Están as cousas máis tranquilas por Seiruga. Un lugar que está á espera de que o PP cumpla a súa promesa e suprima a construción da piscifactoría, como pide o grupo PX. Entrementres, os que loitaron no seu día por evitar a construción, hoxe reláxanse á beira do mar a base de respiración profunda e bos exercicios de estiramentos.

Un curso de Ioga, que complementa fenomenalmente a oferta que pouco a pouco vai completando a aldea malpicá. Unha oferta que vén claramente definda pola actividade deportiva a cabalo das olas. O surf xa está instalado en Seiruga, da man da empresa Silfocamps, e agora xa hai posibilidade de saír a cabalgar unhas olas e logo relaxarse a base de ioga. Podedes ver un vídeo en Seiruga Limpa, que só con miralo relaxa, e onde podedes ver a Cristina, a mestra, volta a casa logo de pasar moitos anos na diáspora.

Outros concellos coma Cee tamén está realizando actividades de ioga, que pouco a pouco vai facilitando a relaxación dos habitantes.

Novas relacionadas

• PX agarda a anulación inmediata do Plan Acuícola.
• As promesas do PP para a Costa da Morte.
• O surf chega a Malpica.
• O Banco de Tempo de Cee estírase.

Fonte

• Seiruga limpa: Paz en Seiruga.