A Garda Civil de Camariñas detivo o pasado luns a un home de 21 anos de idade como suposto autor dun delito contra a seguridade do tráfico e doutro de resistencia a axentes da Autoridade.

Así, eran as sete e media da tarde cando unha patrulla da Garda Civil procedía á identificación do usuario dun ciclomotor que circulaba pola localidade de Camariñas, comprobándose como esta persoa carecía de autorización administrativa para conducir este tipo de vehículos.

A resposta deste home á actuación policial non logrou outro fin que o de sumar un novo cargo na súa contra xa que, ante os insultos que proferiu aos gardas, aos que chegou a tratar de agredir, imputóuselle tamén a presunta comisión dun delito de resistencia.

Os feitos foron postos en coñecemento do Xulgado de Instrución de Corcubión en funcións de garda.

Novas relacionadas

• O accidente de Sardiñeiro en primeira persoa.
• A cara máis sensual do encaixe de Camariñas.
• Detidos dous veciños de Camariñas por apropiarse dun dos fardos do alixo de haxix.
• Continúa a operación contra o narcotráfico na Costa da Morte.
• Os cazadores cazados.

Fonte

• Nota de prensa da Garda Civil.