Logo de 6 anos morto, Man e o seu Museo, semella que a súa obra comeza a ser recoñecida. A creación da Fundación Man, cos seus clásicos problemas políticos, (que a Man de seguro que lle encantarían) trata de recuperar unha figura lendaria. Unha figura da que a mesma Costa non era consciente ata que o mundo enteiro e ocupou de lembrarllo coas súas visitas.

Nuns poucos meses de traballo da nova responsable da Fundación Man, Sabela Mariñas García, xa hai máis acadado que nestes últimos anos.

E a primeira proba son estas I Xornadas sobre Criterios de Conservación, Recuperación da obra de Man de Camelle. Terán lugar os 9 e 10 de maio de 2009 na Casa de Man, outro dos detalles que de seguro lle encantarían a Man.

Queremos un Neo-Man?

Esa é unha das ideas sobre as que percorrerán as xornadas. Os poñentes son eminencias no campo, chegados de todo o estado, "un paso de xigante para poder facer fronte á problemática da restauración da obra de Man", como nos conta a propia Sabela.

Unhas xornadas nas que agardemos que os poñentes de renome que se acheguen ata a Costa nos ensinen un pouco como se pode restaurar e como se pode homenaxear ao artista alemán con elegancia e sentido.

Programa

Novas relacionadas

• As disputas políticas non frean á Fundación Man.
• 01-05-08: Unha nova fundación para o coidado do museo de Man.
• Silvia Baña lembra a figura de Man.
• 25-10-07: O Museo de Man sairá a flote.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).
• Nota de prensa de Sabela Mariñas García, resposanble da Fundación Man.