Axentes da garda Civil de Vimianzo procederon á imputación dun veciño de Cabana de Bergantiños, como suposto autor dun delito de roubo con violencia en grao de tentativa. Os feitos nos que se cre implicado a V.R., ao parecer tiveron lugar ao redor das 02:30 horas de onte nun establecemento hostaleiro do lugar da Piroxa, no termo de Vimianzo.

Segundo os primeiros indicios, o home empuxaría e ameazado a unha das empregadas do local cunha maza de albanel obrigándolle a que lle entregase a recadación. Tras decatarse de que a muller non se atopaba soa á fronte do negocio, o agora imputado saíu fuxindo nun turismo.

Posteriores xestións practicadas polos gardas deron como resultado a localización e detención do cabanés no seu propio domicilio, o cal recoñeceu os feitos imputados.

As dilixencias e o home foron postos a disposición do Xulgado de Instrución Número 2 de Corcubión.

Novas relacionadas

• Os títeres toman Cabana.
• Detido un home de Camariñas sen carné que intentou agredir á Garda Civil.
• O Concello de Cabana está preparado para calquera necesidade de Primeiros Auxilios.
• Por un "Plan de Seguridade Local de Ponteceso".
• Rúas Medievais no 2009 (II).

Fonte

• Nota de prensa da Garda Civil.