A Consellería de Pesca e Asuntos Marítimos, mediante o Instituto Galego de Formación en Acuicultura (Igafa), liberaron o pasado xoves unha nova xeira de exemplares de lubrigante na Reserva Mariña de Lira, nunha iniciativa correspondente ao Plan de Repoboación de Especies Mariñas no Litoral Galego, que o departamento dirixido por Carmen Gallego leva realizando dende o 2005.

Os alevíns teñen entre seis e oito meses de vida e miden de catro a seis centímetros. Estas 1.000 unidades de lubrigante súmanse ás 3.100 tamén liberadas no pasado mes de marzo, alén dos 25.000 exemplares de rodaballo, todos soltados na Reserva Mariña de Lira.

Os alevíns creceron en batea ata acadar a talla ideal para a súa volta ao mar. Así, tódolos exemplares son marcados cunha etiqueta magnética que permitirá o estudo da súa evolución.

Fonte

• Xornal.com: Pesca solta 1.000 alevíns de lumbrigante en Lira.