A Coral máis internacional da bisbarra saíu do país dirección Asturias. Facendo varias paradas de rigor na praia das Catedrais, ou no monumento ao gaiteiro galego de Santa Cruz, Ribadeo (que vemos abaixo), a Coral Xan Mella de Baio emprendía a súa viaxe ata Xixón, para participar no XIII Festival de Masas Corales da cidade asturiana.

Como nos contan dende o seu blog, a Coral zaense colleitou un rotundo éxito nunha igrexa de Fátima abarrotada de xente que rematou aplaudindo de pé a interpretación dos baieses e pedindo unha propina. A propian foi neste caso foi o tema Ave María no Morro.

En xeral, gustou o programa, pero sobre todo Terra Meiga, Habanera salada e a galega Lela que encheu de emoción ao auditorio.

Para os integrantes da coral, o balance do fin de semana non poido ser mellor: bo tempo, boas comidas, bos amigos xixoneses que nos convidaron a unha espicha pantagruélica, e moi boa acollida á coral no campo da interpretación musical.

Novas relacionadas

• A Coral Xan Mella programa a súa primaveira.
• Programa de actividades Colexio Labarta Pose de Baio.
• A moda témola na Costa.

Fonte

• Blog da Coral Xan Mella de Baio.