 As barbaridades que facemos neste país ás veces superan a ficción. Xa puidemos ver como algún desalcado colgaba un moucho ou como algún cazador preocúpase de matar aos cans no canto dos animais cinexéticos. O suceso ocorreu en Dumbría, nunhas leiras que xa estaban vixiadas dende hai un mes cando un veciño denunciou a presencia de varios lazos de aceiro supostamente destinados á caza ilegal. Poucos días despois eran achados na mesma zona dous xabaril falecidos, á vez que se continuaban localizando novos lazos. Os Axentes da Garda Civil desactivaban as trampas, pero os supostos culpables volveron a activalas. Ese mesmo día, os axentes atopaban as estampas, que vemos na imaxe, un novo xabaril e un lobo, especie actualmente protexida. Nota de prensa da Garda Civil - Os imputados colocaran nunha leira da súa propiedade varios lazos de aceiro cos que cazaran polo menos un lobo e tres xabaril.
- A Garda Civil imputa a dous homes a suposta comisión dun delito contra a flora e a fauna
Axentes do Servizo de Protección da Natureza (Seprona) da Garda Civil de Corcubión, coa colaboración previa e fundamental de efectivos da Consellería de Medio Ambiente, imputaron onte mesmo a dous homes domiciliados no municipio de Dumbría a suposta comisión dun delito contra a flora e a fauna. Os primeiros indicios sobre este suposto feito delituoso chegaba fai aproximadamente un mes, tras detectarse nunha leira sita no municipio de Dumbría varios lazos de aceiro supostamente destinados á caza ilegal. Poucos días despois eran achados na mesma zona dous xabaril falecidos, á vez que se continuaban localizando novos lazos de idéntica natureza que os primeiros, algúns deles colocados en carreiros que evidenciaban un perfecto coñecemento da zona e dos movementos dos animais salvaxes. A vixilancia exercida tanto pola Garda Civil, a través do seu Servizo de Protección da Natureza, como por persoal da Consellería de Medio Ambiente, permitiu que nos días seguintes constatásese que os supostos responsables deste feito volveran a armar os lazos que os axentes desmontaran para deixalos inoperativos, á vez que se descubrían un novo xabaril e un lobo, especie actualmente protexida. Finalmente, e valéndose de medios tecnolóxicos, foi posible a plena identificación e implicación destas persoas, aos que os axentes xa sorprenderan na zona dos feitos aínda que en faenas agrícolas e en todo caso alleas á actividade delituosa que se lles imputou. Os imputados atópanse actualmente en situación de liberdade con cargos, e en todo caso a disposición da autoridade xudicial. Novas relacionadas Fonte - Nota de prensa da Garda Civil.
|
Semente RSS