Co motivo da conmemoración das Letras Galegas, houbo unha morea de certames na bisbarra. Ollamos xa como foros os corcursos en Cee, e hoxe imos ata a Biblioteca Municipal de Zas, que convocaba o I Concurso de Marcapáxinas Concello de Zas, e celebrábase onte o especial acto de entrega de premios.

Os agasallos foron entregados polos concelleiros José Mª Calo e Óscar Lema, nun acto que tivo lugar ás 6 da tarde do día 17 de Maio no Centro Socio-cultural de Zas. Os gañadores foron os seguintes:

• Cat. Benxamín:
  - David Nicolás Chiru (2 anos, Galescola de Zas).
  - Daniel Antelo (Ed. Infantil 4, C.P.I. de Zas).
• Cat. Infantil:
  - Sabela Ulloa (4º Primaria, C.E.I.P. Labarta Pose de Baio).
  - Noemí Allo (5º Primaria, C.P.I. de Zas).
• Cat. Xuvenil:
  - Laura Tascón (6º Primaria, C.P.I. de Zas).
  - Ainoa Antelo (6º Primaria, C.P.I. de Zas).
• Cat. Adultos:
  - Raquel Bermúdez (Profesora Galescola).
     - Sandra Rodríguez (Profesora Galescola).

Os traballos presentados quedarán expostos no dito Centro ata o día 24 de Maio, e os gañadores serán editados polo Concello de Zas, e acompañarán aos préstamos da Biblioteca Municipal ata o día das Letras do 2010.

Foliada

A continuación celebrouse unha Foliada Tradicional, coa participación dos membros do grupo Churía da A.C. Castro-Meda, que animaron a pequenos e maiores a compartir os instrumentos e bailes tradicionais, e aproveitaron para solicitar a axuda dos máis maiores para recoller bailes e cantigas tradicionais da zona, e poder transmitirllas así aos máis novos.

E para rematar a tarde, os asistentes, (moi numerosos), compartiron unha merenda saudable, como anticipo do inicio das actividades enmarcadas dentro do Programa Concellos Saudables, que novamente comparten os Concellos de Zas e Cabana.

Novas relacionadas

• Unha chea de actividades polos 35 anos de ensino público co Colexio Labarta Pose de Zas.
• Cee premia a case que 30 rapaces nos seus concursos de achegamento ó libro e ó teatro.

Fonte

• Nota de prensa do Concello de Zas.