Este domingo 24 de maio será o día no que o concello de Mazarciso mostre a súa homenaxe á lingua galega. A cita estaba programada para o pasado 17 de maio, Día das Letras Galegas, pero o terrible suceso que acaba coa vida dun mozo da zona tras un accidente de tráfico, provocou a suspensión dos festexos.

Celebraranse así este domingo 24 de maio, ás 17:00 na Casa da Cultura da Picota. e as actividades serán as seguintes:

• Pregó do escritor mazaricán Silvestre Gómez Jurjo (que participa na Elección Histórica da Costa da Morte)
• Representación da obra "Tres capitáns de tempos idos", de Avilés de Taramancos, a cargo do Grupo de Teatro Afeccionado de Mazaricos.
• Actuacións do Coro Interparroquial de Mazaricos, dirixido por José Manuel Pensado Figueiras, e dos Grupos de Pandeiretas da Parroquia de Arcos e da Asociación de Amas de Casa de Mazaricos.
• Recitación de poesía e proxección audiovisuais.
• Intervencións da Asociación Cultural Perfecto Sande e de José Manuel Santos Maneiro, alcalde de Mazaricos.

Novas relacionadas

• Vota polo Concello de Mazaricos na Elección Histórica da Costa da Morte.
• Un accidente de tráfico acaba coa vida dun mozo de Mazaricos.

Fonte

• Nota de prensa do Concello de Mazarciso, da man de Suso Jurjo.