|
A visita a Corme da Conselleira do Mar, Rosa Quintana, foi moi iinteresante para o sector na Costa da Morte. Quintana prometeu compromiso para loitar contra o furtivismo, un dos males endémicos da Costa e máis concretamente, da vila de Corme. Quintana afirmou que a Xunta fará o necesario para que o furtivismo sexa declarado "delito ecolóxico", primeiro paso da loita. Ademais, o Patrón maior da Confraría de Corme, Manuel Cousillas, anunciou que continúa. Aproveitando a visita da Conselleira do Mar, Cousillas asegurou que seguirá ao mando do pósito cormelá, logo de ameazar coa dimisión tralos últimos ataques sufridos polos olegais. Delito ecolóxico A medida máis importante que prometeu a conselleira foi a declaración como delito ecolóxico da acción dos futritvos. A día de hoxe, un furtivo, paga unha multa, no peor dos casos, pero non sofre ningunha outra medida. A responsable de Mar adiantou, ademais, que "pronto" se iniciarán os "trámites" necesarios para tratar de que as accións dos furtivos "sexan tipificadas como delito ecolóxico", aínda que admitiu que esta será unha medida "a longo prazo". Seguro contra ataques A Conselleira anuncionu onte en Corme que estudiará a posta en marcha dun seguro que cubra os "desperfectos e danos ocasionados en bens dos patróns e presidentes de agrupacións" de percebeiros "por tratar de perseguir as prácticas dos furtivos". Cousillas pediu á conselleira que active mecanismos para compensar aos profesionais polos "danos que sofren a mans dos furtivos". Ademais, Quintana comprometeuse, a "intensificar o control e a vixiancia" nos bancos e na cadea de comercialización. Para iso, dixo, o Goberno galego pedirá a colaboración da Policía Autonómica e da Garda Civil. Novas relacionadas Fonte
|
Semente RSS