Foron os socios da Asociación Cultural O Castelo de Vimianzo, e non o Castelo mesmo, por suposto, os que visitaron as Rías Baixas esta pasada fin de semana do 23 e 24 de maio.

A visita comezou pola ruta dos muíños no Concello de Meis, e continuou na Bodega en Cambados. Aló, ademais de probar o nellor viño do país, pernoctaron e desfrutaron dunha animada cea con baile. A mañá seguinte comezou cun paseo polo porto deportivo de Sanxenxo e polo porto mariñeiro de Portonovo. De marcha ata o Grove e a Illa da Toxa, e visita ao Mosteiro de Poio, para finalizar na preciosa vila mariñeira de Combarro, a Veneia galega.

Vemos á expedición vimiancesa na Praza de Fefiñanes en Cambados.

Visitas como esta témolas día tras día na Costa da Morte. Vemos como os autobuses do sur do país e da península pasan dirección Fisterra, o lugar máis emblemático da bisbarra, que pasa por ser o segundo punto máis visitado do pais. Sen ir máis lonxe, a semana pasada veíamos como a través do programa Galicia Natural, unha expedición visitaba Fisterra acompañada de Manuel Suárez Suárez.

Novas relacionadas

• A asociación O Castelo de Vimianzo denuncia prácticas caciquís no concello.
• Nieves Lema recorre a súa cesión.
• Fin de semana pola Costa co programa Galicia Natural.
• 300 persoas elixen a Costa a través dos programas Naturalmente Galiza e Galicia Natural.

Fonte

• Nota de prensa da Asociación O Castelo de Vimianzo, da man de Nieves Lema.