A activa Confraría de Pescadores do Pindo, xa está en marcha cunha nova iniciativa. Coa posta en marcha do novedoso proxecto "Pindo Mariño", a confraría pretende acadar un maior recoñecimento e dignificación da profesión de mariñeiro, ao tempo que promociona as marabillas turísticas da zona. Este intento de "Recuperación da tradición e cultura mariñeira", estrearase cos/as nenos/as na ruta do Fornelo.

Así, a confraría ten artellado para os próximos días 23, 24, 25, 26, 27 e 28 de xuño, as IV Xornadas de Pesca, que este ano levan por título: "A Vida en torno ao mar". Estas xornadas contarán con actividades mariñeiras para nenos, charlas sobre as profesións mariñeiras percebeiros, mergulladores, redeiras, vendedores), sobre o proxecto de turismo mariñeiro de Lira, e con música. O venres 26 de xuño estará nada menos que Bieito Romero, de Luar na Lubre.

Para o sábado 27 de xuño haberá proxeccións, charlas, cine coa Mariñeira de Quilmas, e sardiñada con queimada amenizada polo grupo de gaitas Xeitura, de Esteiro. E o domingo pecharanse as actividades con máis charlas, poesía e música. Este é o programa completo:

I Encontro Monte Pindo

Estas xornadas chegan uns días antes do I Encontro Monte Pindo, que organiza a Asociación Pedramar, e que tentarán revalorizar a zona a base de rutas de sendeirismo, música e gastronomía os vindeiros 3, 4 e 5 de xullo.

Máis información

Para calquera dúbida ou recadar información, chamen o teléfono 981764815 ou 667393173.

Novas relacionadas

• En marcha o proxecto "Pindo Mariño".
• I Encontro Monte Pindo.
• Mardelira abre un concurso de receitas.
• As Confrarías da Comarca de Muros-Carnota presentan o proxecto Fishernet en Europa.

Fonte

• Nota de prensa da Confraría do Pindo.