|
A única praia da Costa con Bandeira Azul e Q de calidade |
Correo-e
|
|
viernes, 29 de mayo do 2009 |
|
Tan só 7 praias en Galicia contan co distintivo este 2009 da Q de Calidade, que outorga o Instituto para a Calidade Turística Española (ICTE). E unha delas está na Costa da Morte, máis concretamente en Laxe. Este será o primeiro verán que ondee a bandeira da Q, ao carón da Bandeira Azul, que xa coñeciamos onte e da que volve presumir a praia de Laxe, ao igual que outras 6 da Costa da Morte. O Concello de Laxe móstrase moi ledo pola doble considerción ambiental da súa praia, e alégrase de que o traballo realizado nos últimos anos sirva para recibir este recoñecemento. Non para o Concello de Laxe, e xa solicitou a Costas que realice na praia unha serie de melloras para cumprir co requisito de mellora continua da calidade. Entre estas destacan a colocación de máis pasarelas na zona do cabo da Area así como a colocación dun Punto de Información Dixital á beira da Caseta de Turismo con información sobre os servizos de hostalaría e comercio, a calidade na praia ou o patrimonio cultural e natural do concello, entre outras informacións. Así mesmo o Concello contará cunha ordenanza de praia para este mesmo verán. Será un novo marco xurídico que axudará a xestionar mellor as praias municipais. O concello lembra que a praia de Laxe é o verdadeiro motor do desenvolvemento turístico da localidade. Novas relacionadas Recunchos praieros Fonte
|
Semente RSS