O pasado venres, 22 de maio, tivo lugar en Zas o 3º taller do curso de masaxes do Banco de Tempo, que nesta ocasión versou sobre a terapia sacro craneal ou craneo sacral. Un xeito de achegarse ao noso corpo, como vemos na fotografía onde os participantes está a escoitar os nosos pés.

Un pouco de teoría

O sistema sacro-craneal é un sistema contido dentro dunha membrana que envolve o cerebro e o cordón espiñal e que ten como función a producción, circulación e reabsorción do fluido cerbroespiñal. Nesta membrana hai un continuo subir e baixar da presión dese fluido e o pulso dese fluido é, o igual que o latido do corazón e a respiración, transmitido a todolos texidos e estruturas do corpo como un movemento involuntario e espontáneo con ritmo determinado. Cando encontramos movemento desequilibrado, indica que as funcións normales do corpo poden estar en conflicto e podense desenvolver síntomas.

Polo tanto, o obxectivo do terapeuta sacro craneal é avaliar e tratar este sistema da forma menos intrusiva posible, usando pouca forza na palpación e tratamento, axudando o corpo a restablecer un movemento equilibrado.

E á práctica

Isabel Lagoa puxo en práctica este tratamento cos participantes, por eso vemos nas fotos como se sentaron a escoitar esas fluctuacións primeiro nos pés e despois na cabeza, para máis tarde dar paso a un tipo de masaxe relaxante nesas zonas.

Unha vez máis, este taller volviu a ter o acollemento e satisfacción esperados, e os asistentes están desexando volver a encontrarse o próximo venres na seguinte sesión, que será sobre reflexología podal.

Máis información

• Para máis información poden chamar o número de teléfono 981.708.303 e preguntar por Sonia Ramos Lema, Axente de Tempo do Concello de Zas.
• Blog dos Bancos de Tempo da Costa da Morte.

Novas relacionadas

• Segundo taller de masaxe de Zas.
• Bordados en As Gándaras.
• Boa acollida para o Banco de Tempo de Zas.

Fonte

• Nota de prensa de Sonia Ramos Lema, Axente de Tempo do Concello de Zas.