Un total de 50 persoas participaron na ruta organizada polo concello de Vimianzo o domingo 31 de maio. Foron 15 quilómetros que discorreron pola marxe do río Anllóns entre as localidades de Ponteceso e o refuxio de Verdes. A saída tivo lugar sobre as 9:40 horas dende a praza do Concello. A expedición marchou dende aló ata a vila de Pondal en autboús e, sobre as 10:20 xa se puxeron a camiñar rumbo a Verdes. Polo percorrido pudeiron contemplar restos de muiños, presas, centrales eléctricas así como a flora e fauna típica da zona.

A visita foi completa e ata toparon cunha serpe de río que se deixou fotografar. A metade de camiño tocou unha  para repoñer forzas e despois continuamos ata o remate. A chegada a Verdes foi ás 16:30 e despois dun merecido descanso no refuxio volveron a Vimianzo.

Vindeira cita e inscricións

O próximo día 13 de xuño hai prevista outra ruta máis que unirá Vimianzo co Cabo Vilán en Camariñas. Esta é unha ruta de 28 quilómetros por camiños de monte e de costa na que haberá a oportunidade de visitar Sabadelle, o cemiterio dos Ingleses e o Cabo Vilán.

Todos os que queiran participar non teñen máis que inscribirse no Servizo de Cultura e Deportes do Concello (981716001) ou ben por medio de Este enderezo de correo-e está protexido contra spam bots, necesitas ter o Javascript activado para podelo ver

Novas relacionadas

• O Banco de Tempo de Vimianzo aprende artesanía do textil.
• Do cumio de San Bartolo aos Batáns do Mosquetín.
• O recuncho da Costa (XIV): O río Anllóns no lugar de Verdes.
• Ponteceso marcha a pé por Xornes e en bus ata os museos da Coruña.

Fonte

• Nota de prensa do Concello de Vimianzo, da man de Víctor Santos.