Se o concello de Ponteceso foi pioneiro, non só na bisbarra, de instalar software libre nas aulas de informática, Zas non queda atrás. O exemplar proxecto do Zas Dixital vaia cara adiante, xa non hai quen o pare, e de aquí en diante, a formación dixital será unha parte fundamental do proxecto. en breve, todo a veciñanza terá unha relación moito máis directa cas Novas Tecnoloxías.

Así, o concello de Zas pon en marcha neste mes a súa oferta formativa dedicada ao Software Libre. O edificio de Usos Múltiples do Concello acolle, os días 19 e 26 de xuño e 3 e 10 de xullo, catro cursos de Software Libre para oficinas e deseño que servirán para familiarizar ao cidadán co uso do paquete ofimático Open Office e o editor gráfico GIMP.

Cada unha das xornadas desenvolverase en horario de 20:00 a 22:00 horas. O prazo de inscrición xa está aberto.

Máis información

Atoparán toda a información e os formularios de inscrición na sección Formación de www.zasdixital.eu:

• Cursos no Zas Dixital.

Novas relacionadas

• Finalizan en Ponteceso o curso de Memoria e o pioneiro curso de Galinux.
• O Proxecto Zas Dixital comeza un curso sobre Software libre.
• “Dende hoxe Zas está en disposición de competir no mundo”.
• Zas conéctase á rede sen fíos.

Fonte

• Concello de Zas.