Un grupo de afeccionados á pesca participaron o pasado venres 22 de maio no 1º Campionato de Pesca afeccioanda na praia do Rostro. Case 25 pescadores xuntáronse ás 21:00h, trala convocatoria chegada dende a Imprenta Martiago de Corcubión, na praia do Rostro, e canda o solpor, sacaron as cañas na procura das robalizas, dos sargos...

As capturas foron bastante boas, non tanto como se agardaba. Houbo premios e todo, á peza máis grande, que rondaban os 5 quilos, e aos que máis pezas colleitaron.

O ambiente foi estupendo en todo momento. Arredor das 23:00, os pescadores tomaron un descanso para comer un pouco na churrascadiña.

A fin de semana non rematou aí, xa que o mesmo sábado, os 25 pescadores cearon no Hotel Insua de Cee, e comeron peixe e marisco "por un tubo", como comentaba Talo (que vemos na primeira foto de abaixo), o organizador do evento. A orgnización quere agradecer ao Hotel Insua a súa colaboración.

Aquí embaixo deixamos unhas cantas imaxes da xornada:

Un Talo que xa está pensando na seguinte, que levará outra modalidade. Está pensando na rapazada, e unha posibilidade pode ser un pequeno campionato de pesca sen morte, no paseo de Corcubión, con merendola intermedia algún que outro xogo. Agardaremos ao verán.

Novas relacionadas

• Campeonato de pesca afeccionada no Rostro.
• O Cárcere Vello serviu de taller para a Asociación Galega de Kaiak de Mar.

Fonte

• Redación de QPC ( Este enderezo de correo-e está protexido contra spam bots, necesitas ter o Javascript activado para podelo ver ).
• Fotografía de Miguel.