|
Temos por un lado ao gremio dos furtivos, maiormente xente vencellada ao mar, que vive dela, pero que pensa que, como é dela, non ten por que coidala. Pola outra banda están os deportistas, nesta caso os surfistas, que a súa relación coa mar é máis de vocación, non tanto obriga como pensarán moitos mariñeiros. Contra os furtivos temos agora unha Conselleira que xa apuntou que loitaría contra eles, e para concienciar aos concellos de que teñen que levar a cabo as tarefas de limpeza, están os surfistas. Vemos por exemplo aquí abaixo a todo o equipo en plena faena. 
Comprácenos falar dunha nova xornada de Limpeza na praia de Nemiña, a praia fetiche para o Clube de Surf Os Tombos, o clube de surf da Costa da Morte. Alo menos dúas veces ao ano, os membros do clube realizan unha xornada de limpeza, que aproveitan para convertila en covivencia. De feito, vemos aquí de abaixo, como as xornadas serven para unir, e aí están estes 4 visitantes alemáns, que ao ver ao grupo de 20 costeiros co lombo encollido, botaron unha man e limparon como os que máis. 
Quen ten que limpar as praias Un día de traballo para estar comodamente collendo olas, sen plásticos que estorben, manchen e contaminen. Pero este traballo quen o debería facer? Estamos a comezos do verán. A meirande parte das praias da Costa están sen limpar. Logo dun inverno onde as praias estiveron sufrindo ás acometidas do mar, e sendo os vertedoiros mariños, os concellos non tomaron responsabilidade algunha e o lixo sae polas esquinas. Poderíamos nomear algunha que está particularmente sucia, pero son todas as que precisan un servizo de limpeza, co gallo de mellorar a comodidade nas praias, e por suposto, ollando ao medio ambiente. Cando van realizar os concellos os seus quefaceres? Polo de pronto, os surfistas xa aforraron traballo ao concello muxián, todo un exemplo. Aquí vemos a toda a familia surfeira e respetuosa. 
Novas relacionadas Fonte
|
Semente RSS