O vindeiro día 5 de xuño e ata o 30 do mesmo mes estará en Muxía a Mostra “II REPÚBLICA ESPAÑOLA. 75º ANIVERSARIO”, na Casa Obradoiro que está ubicada xunto á Biblioteca Municipal.

Esta mostra está organizada polo Ateneo Republicano de Galicia e conta coa colaboración de, ademáis do Concello de Muxía, da Xunta de Galicia.

A mostra consta de 23 paneis constitutivos do relato histórico da II República entre os anos 1931 e 1936. Na mesma mostra pode lerse un Manifesto do Ateneo Republicano de Galicia con motivo do 75º aniversario da II República e pode disfrutarse da narración histórica, fotografías e carteis da época.

Voluntariado ambiental

O pasado domingo 31 de maio, o grupo de Voluntariado Ambiental do Concello de Muxía realizou un traballo de limpeza no contorno da Barca. Esta foi unha a primeira das saídas que este grupo realiza para limpar a contorna do concello.

Así, aquelas persoas que queiran colaborar neste tipo de actividades, deben inscribirse como voluntarios no Concello Muxía (telf. 981 74 20 01).

Novas relacionadas

• Nova exposición sobre os nosos tesouros no Museo Marítimo Seo de Corcubión.
• Elixidos os persoeiros máis importantes dos concellos da Costa.
• Xa está en marcha o Proxecto Buserana pola Defensa do Patrimonio Cultural Inmaterial.

Fonte

• Nota de prensa do Concello de Muxía.