Xa queda menos para que O Pindo se convirta por uns días no verdadeiro epicentro da bisbarra. Será a última semana de xuño e a primeira de xuño, cando as actividades que están a organizar a confraría e a ADRC Pedramar do Pindo se desenvolvan. Primeiro terán lugar as IV Xornadas de Pesca, do 23 ao 28 de xuño organizadas polo pósito carnotán. E do 3 ao 5 de xullo, o verdadeiro protagonista será o Monte Pindo, cun encontro que organiza a asociación.

Centrándonos no monte, as xornadas denomínanse "I Encontro Monte Pindo (sendeirismo, historia, cultura, gastronomía, música)". Ben ás claras se ve o que pretende a asociación, e non é outra cousa que promocionar todas as posibilidades que ofrece o monte e, por conseguinte, a Costa da Morte.

A asociación Pedramar continúa traballando para fomentar o coñecimento dun dos verdadeiros tesouros naturais, culturais e históricos da bisbarra. Un verdadeiro símbolo da Costa, que merece ser loubado e loubado, e cando dentro de 20 anos, falemos do XX Encontro Monte Pindo, estas sesións terán, se cabe, máis sentido aínda.

Un monte cheo de lendas e historia verdadeiras. Que se o castelo de San Xurxo, que se as covas dos foucellas coma o Catelo, que se os petroglifos ou grabados rupestres prehistóricos... un patrimonio inmaterial incalculable. Recomendamos encarecidamente a lectura do libro "Los Montes del Pindo. Olimpo celta y desierto de piedra", de Xosé Manuel Barreiro Barral, carnotán agora presidente da Real Academia da Lingua Galega, que inaugurará as xornadas, e que editaba esta tremenda fonte de información no 1986 gracias á Deputación da Coruña.

Programa

• Venres 3:
  - 19:00: inauguración no local da ADRC Pedramar, coa intervención do historiador e presidente da Real Academia da Lingua Galega D. Xosé Ramon Barreiro Fernadez.
• Sabado 4:
  - Subida a Moa con guía (explicando a historia e lendas), picnic no cumio;
  - Á noite, exposición fotografica (paraxes do Monte Pindo e da costa en xeral);
  - Sardiñada, con empanadas e queimada coa actuación dun grupo folk.
• Domingo 5:
  - Visita ao museo da electricidade, á Fervenza, e ao Miradoiro do Ézaro.
  - Xantar;
  - Clausura e despedida ao mediodía cunha comida na Casa de pedra do mesmo lugar.

Máis información

• O Monte Pindo de Galicia e os grabados rupestres prehistóricos.
• Coñecendo as lendas históricas do Monte Pindo.

Novas relacionadas

• I Encontro Monte Pindo.
• A Confraría do Pindo artella as IV Xornadas de Pesca.
• En marcha o proxecto "Pindo Mariño".
• Mardelira abre un concurso de receitas.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).