Levan anos os veciños de Fisterra solicitando a construción dunha escola infantil no termo municipal. E máis dende o concello se integrase no Consorcio dos Servizos Sociais. Pero os avances son poucos.

A deputada socialista, Marisol Soneira, denuncia que "no Plan Xeral de Ordenación Municipal non figura nin un só metro cadrado para equipamento social”, polo que non hai previsión para a construción dunha escola infantil.

Nota de prensa do PSdG

A XUNTA CONFIRMA QUE O CONCELLO DE FISTERRA NON OFERTOU NINGUN TERREO PARA A CREACIÓN DUNHA ESCOLA INFANTIL

• Marisol Soneira denuncia que en marzo do 2007 asinouse o Acordo de integración do Concello de Fisterra no Consorcio dos Servizos Sociais, e ata hoxe “o Concello foi incapaz de ofertar os terreos necesarios para a construción desta escola infantil”
• A deputada socialista amosou a súa preocupación por este feito “xa que no Plan Xeral de Ordenación Municipal non figura nin un só metro cadrado para equipamento social”, e polo tanto engade “os veciños e veciñas de Fisterra estarán sen este servizo longo tempo”

Santiago, 6 de xuño do 2009. A Xunta de Galicia confirmou hoxe que o Concello de Fisterra non ofertou ningún terreo para a creación dunha escola infantil.

A deputada do PSdeG-PSOE Marisol Soneira interpelou hoxe, na Comisión 4ª do Cámara Autonómica ao Goberno Galego (concretamente ao Secretario Xeral da Consellería de Educación) para saber as medidas previstas da construción desta escola infantil.

Soneira expuxo, durante o debate na citada Comisión, que en marzo do 2007 asinouse o Acordo de integración do Concello de Fisterra no Consorcio dos Servizos Sociais. E ata hoxe sinala Soneira “foi incapaz de ofertar os terreos necesarios para a construción desta escola infantil”, denuncia. E subliña a pesares de que os “grupos da oposición presentaron mocións, facendo propostas que foron rechazadas polos populares, nesta localidade”.

A deputada socialista amosou a súa preocupación por este feito “xa que no Plan Xeral de Ordenación Municipal non figura nin un só metro cadrado para equipamento social”, e polo tanto engade “os veciños e veciñas de Fisterra estarán sen este servizo longo tempo”, conclúe.

Novas relacionadas

• Malas novas no Colexio de Quenxe de Corcubión.
• Nova disputa política por unha VAC paralizada.
• O PSdG presentará mocións en todos os concellos polo helicóptero de Salvamento.
• Primeiras reaccións políticas ante a anulación do contrato do helicóptero de Salvamento.
• O PP rexeita a regulación da recollida do argazo.

Fonte

• Nota de prensa do PSdG.