Podíase cheirar ese verdadeiro arrecendo á escola de toda a vida á escola de verdade. Esa escola onde cativos e profesores poden interaccionar realmente, onde as relacións son moito máis achegadas e os profesores poden realizar moito mellor as súas funcións. Se os deixan as novas leis, claro.

Esta sensación foi clara cando o pasado venres se celebraba a 1ª Mostra de Teatro Escolar, no colexio Areouta de Sardiñeiro. Unha mostra que servia para abrir o programa Culturetadas e chismes variados", que nos deixará ao longo deste mes varias actividades culturais, cos nenos como portagonistas.

A sesión foi moi emotiva, e comezaba cun forte aplauso para o profe Alonso, que foi o que ideo a Mostra. Os familiares ateigaban a sala de teatro xenialmente personalizada polos cativos e profesores. Todos os pequenos participan nalgunha das obras representadas, e os pais e as nais, cámara en man, rían encantados cos seus pequenos. Foron pasando os grupos, cada obra máis simpática ca anterior, nun espectáculo teatreiro, moi divertido.

Unha pena que o ambiente que se respira na escola cambie para o curso que vén, cando case todos os profesores do centro marchen para outras latitudes. Os profes son de fóra, e xa teñen novo destino. Tan só Luis quedará para seguir implantando ese aroma á escola de sempre.

Novas relacionadas

• Un mes de Culturetadas no Areouta.
• Rúas medievais en Sardiñeiro de Arriba.
• Os rapaces de Carnota len o seu manifesto sostible no pleno.
• O PSdG denuncia que non hai terreos para a Escola Infantil de Fisterra.
• Malas novas no Colexio de Quenxe de Corcubión.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).