Xa está en marcha o Concurso de Receitas que organiza a Confraría de Lira a través da nova páxina web www.100x100mardelira.com. As primeiras receitas que entran no concurso xa están na rede. Receitas que utlizan os produtos da lonxa da confraría de Lira, e que serven para destacar a calidade do produto do mar carnotán.

A complexa elaboración das receitas merecen xa un premio, polo que o nivel está bastante alto. Tamén hai rexistradas na web varias receitas creadas pola organización, pero que non participarán no certame.

Estas son as receitas que están rexistradas no concurso:

• Caprichos de mar: enviada por Francisco Casado Laguna desde Valladolid.
• Centollo en Salsa de almendras: enviada por María José Fernández Marchena desde Sevilla.
• Ourizos ao forno: enviada por Ramón Muíños desde A Coruña.
• Changurro ao forno: enviada por Ramón Muíños desde A Coruña.
• Sushi de Pulpo: enviada por Javier González Touza desde Pontevedra.

A confraría de Lira aproveitará a súa participación no mercado de San Miguel de Madrid de Pesca Sostible, para promocionar o concurso. O pósito carnotán acode a este mercado formando parte da entidade privada sen ánimo de lucro Lonxanet Directo S.L, participada pola Fundación Lonxanet pola Pesca Sostible e as confrarías de pescadores artesanais de Lira, Cedeira, Muxia, Porto do Son, A Coruña e Cangas en Galicia.

Concurso

Pódense enviar as receitas na páxina web www.100x100mardelira.com ou directamente ao correo Este enderezo de correo-e está protexido contra spam bots, necesitas ter o Javascript activado para podelo ver A dirección do proxecto está sendo levado a cabo pola empresa corcubionesa Galinus Comunicación en Internet.

O prazo para envialas remata o 30 de xuño de 2009, e o gañador único levará unha cesta de productos da lonxa por valor de 200 €.

Máis información

• www.100x100mardelira.com.

Novas relacionadas

• Mardelira abre un concurso de receitas.
• Os rapaces de Carnota len a súa Carta da Terra no pleno.
• As Confrarías da Comarca de Muros-Carnota presentan o proxecto Fishernet en Europa.
• A Costa da Morte presente no Mercado de San Miguel de pesca sostible.
• Contando os días para o I Encontro Monte Pindo.
• A Confraría do Pindo artella as IV Xornadas de Pesca.
• En marcha o proxecto "Pindo Mariño".
• Nova denuncia da Raínha Lupa contra a piscifactoría de Quilmas.

Fonte

• Nota de prensa da Confraría de Lira.