Movido pleno onte no Concello de Cee. A base de Salvamento Marítimo focalizou o pleno, xa que, como avisara pola tarde na rolda de prensa, o PSdeG presentou unha moción contra a anulación do helicóptero da Costa. O BNG adheriuse tamén a moción do PSdeG, que era moi semellante á que ía presentar. Foron os 3 representantes do PP os únicos que votaron en contra da moción, por suposto, como vemos abaixo de todo.

Moita xente acodiu ao mesmo, entre os que destacaron numeroros membros do PSdeG de moitos concellos da bisbarra. Amancia Trillo foi a encargada de presentar a moción, cos argumentos que levamos repasado nos últimos días. Trillo tivo unha ardua discusión co voceiro do PP, Antonio Domínguez. Tamén o alcalde Ramón Vigo enzarzouse en palabras pouco produtivas con Domínguez.

Domínguez defendeu a postura da Xunta, afirmando que coas novas dotacións das bases de Celeiro e Vigo mellorarase o sistema de urxencias. Ademais, falou do pasado, argumentando que nada se fixo nos últimos catro anos pola Costa da Morte.

Saíu á escea a curiosa posición das confraría, as máis perxudicadas pola decisión. Con todo, o único que se manifestou foi o patrón maior de Fisterra, quen non considera negativa a decisión da Xunta.

Novas relacionadas

• O PSdeG comarcal alza a voz contra as decisións do novo goberno.
• O BNG de Cee tamén presenta unha moción para recuperar o helicóptero de Salvamento.
• O PSdG presentará mocións en todos os concellos polo helicóptero de Salvamento.
• Primeiras reaccións políticas ante a anulación do contrato do helicóptero de Salvamento.
• A Costa queda sen o seu helicóptero de Salvamento.
• Nova disputa política por unha VAC paralizada.
• A variante de Sardiñeiro da VAC e o Porto de Brens avanzan.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).
• La Voz de Galicia: Solo el PP se opuso al acuerdo de la corporación de Cee de pedir el helicóptero para Lires.
• Fotografía de Marcos Rodríguez.