Acaba de abrir o concello de Cee o seu programa de apoio á conciliación da vida persoal, familiar e laboral. O programa inclúe actividades lúdicas e educativas para que os cativos estean ocupados nas vacacións do verán.

O programa, organizado pola Delegación de Benestar Social e Igualdade de Cee e o Centro de Información á Muller de Cee, está pensado para os meses de xullo, agosto e setembro, e o número de prazas é de 30 cativos. O obxectivo está claro: favorecer a conciliación da vida familiar coa laboral.

Como requisitos, os nenas/os han de ser residentes en Cee, e ter idades comprendidas entre 3 e 12 anos. O programa está destinado a fillas/os de familias monoparentais; fillas/os de nais/pais que traballen fora da súa casa; fillas/os de familias con persoas dependentes á cargo; fillas/os de nais/pais que asistan a cursos de formación; ou fillas/os de familias en risco de exclusión social.

Máis información e inscrición

O prazo de inscrición remata o 26 de xuño.

Poden pasar polo Centro de Información á Muller de Cee, ou chamar ao 981 745 100.

Novas relacionadas

• O Día da Muller une aos 3 partidos de Corcubión.
• As 3 ceas das participantes dos cursos de ximnasia de Cee.
• O Concello de Cee busca traballadores e artesáns.

Fonte

• Nota de prensa da Delegación de Benestar Social e Igualdade de Cee.