Estas semanas o Museo da Fundación Fernando Blanco de Lema de Cee recibiu un par de visitasmoi especias. Comezamos polas 46 persoas procedentes de Redondela, Marín e Bueu, que chegaron a través do programa Galicia Natural, como o fixeran hai dúas semanas.

De novo, con Manuel Suárez como guía de luxo, o programa da Consellería de Innovación e Industria da Xunta de Galicia facilita a estancia en establecementos de turismo rural da Costa da Morte a persoas maiores de 65 anos.

Ó igual que o resto de grupos que acuden a Cee, coñeceron de primeira man a vida de Fernando Blanco de Lema, o seu legado e o funcionamento do museo que leva o seu nome. Debido ás malas condicións climatolóxicas non poideron acercarse a coñecelo IES Fernando Blanco e o seu xardín botánico. Estiveron acompañados por Darío Areas (coordinador do museo) e por Manuel Suárez (Seminario de Estudios Comarcais da Costa da Morte).

Visita da EFAMEC

Entre os días 5 e 6 de xuño desenvolveuse no IES Fernando Blanco de Cee o IX Congreso da entidade ENFAMEC (Ensinantes de Fabricación Mecánica). O sábado, 6 de xuño, os arredor de 60 participantes do citado Congreso, que chegaron a Cee dende puntos de toda Galicia, visitaron o Museo da Fundación Fernando Blanco de Lema.

Despóis de recibir unha pormenorizada explicación sobre quen foi Fernando Blanco de Lema e sobre a historia da Fundación benéfico-docente da vila da Xunqueira durante os seus máis de 100 anos de vida, poideron coñecer e admirar os aparellos pertencentes ós antigos gabinetes de física, química e historia natural do antigo instituto, mercados no curso de 1890-91, os cales foron montados de novo no primeiro andar do museo, aproveitando esta ocasión, posto que os participantes, ó ser da rama tecnolóxica, tiñan especial interés en coñecer unha das principais coleccións de material científico que hai en Galicia.

A primeira hora da mañán do sábado día 6, tamén pasou polo museo unha excursión de 40 persoas de Pontecesures.

Novas relacionadas

• Darío Areas, coordinador do Museo Fernando Blanco e Secretario da Fundación: A Guerra da Independencia na vida de Fernando Blanco de Lema.
• Lonxe de Montevideo: A sesión do 17 de maio na Asemblea Celestial da Emigración Riopratense.
• Maiores e cativos disfrutan do Museo Fernando Blanco de Cee.
• Fin de semana pola Costa co programa Galicia Natural.
• Corcubión pasea por "onde as rúas non teñen nome".
• O Museo Seo de Corcubión cobra vida aérea.

Fonte

• Nota de prensa de Darío Areas, coordinador do Museo da Fundación Fernando Blanco de Lema.