|
De noraboa están por Laxe, un dos concellos quemáis valor outorga ao patrimonio natural. En bo exemplo foi aquela reacción ante a protección dos Penedos de Traba e Pasarela, e mentres o alcalde de Vimianzo pedía unha indemnización, o de Laxe simplemente alegrábase. A bandeira azul da praia de Laxe é outro dos méritos do concello. Pois un novo éxito neste eido. A Federación Galega de Montañismo remitiiulle ao concello a certificación oficial e homologación da rota camiñada Laxe-Traba. Agora, a catalogación da rota Laxe-Traba como PRG-114, é unha marca rexistrada en España pola FEDME. Así son xa dous os sendeiros que o Concello leva homologados, pois fai uns anos o sendeiro circular Laxe-Punta Insua foi certificado como PR-G 70. Poden descargase ambos en pdf na páxina do Concello de Laxe. Folleto
O concello vén de publicar a segunda edición do folleto “Senderismo en el ayuntamiento de Laxe – 2ª edición”, no que aparecen un total de oito roteiros: 6 de eles de sendeirismo (unha nova rota urbana polo Concello, a volta ó monte Insua catalogada como PR-G 70, o recén homologado PR-G 114, o roteiro Mórdomo-Cámelle, o roteiro Mórdomo-Pena de Mórdomo, o roteiro Transfontáns-Sarces-Lourido-Transfontáns) outra específica de bicicleta de montaña (Laxe-Soesto-Boaño-Monte da Lagoa-Coéns-Lourido-Laxe) e un último roteiro turístico polo Concello de Laxe aconsellado para facer en vehículo todoterreo ou en bicicleta de montaña. Inauguración O Concello ten previsto facer unha inauguración oficial do sendeiro para o vindeiro sábado 11 de xullo. O percorrido, de 8 kilómetros de distancia iniciarase ás 10.00 ó lado do panel de inicio de rota no paseo marítimo de Laxe e, acolléndose ó itinerario homologado, percorrerá parte do casco urbano do Concello, subirá hasta Santa Rosa de Lima, baixará a praia de Soesto, a praia de Arnado, a área recreativa de Boaño e rematará na boca da Lagoa de Traba, ó carón do panel de final de percorrido, sobre ás 14.00. Máis información Novas relacionadas Fonte
|
Semente RSS