|
Na mañá de onte, xoves 11 de xunho de 2009, tivo lugar á presentación do inicio do proxecto Cabanas-Zas por unha vida mellor. Un proxecto que se renova por segundo ano, e que pretende desta volta incremetar a participación cidadá. Ao acto acodíu a directora xeral de Saúde Pública e Planificación, Sagrario Pérez Castellanos. O proxecto ten varios enfoques. O primeiro está deseñado para fomentar formas de vida saudables, promocionando unha vida sen tabaco, sen alcol e sen drogas. A chave son as actividades creadas para os mozos entre 14 e 18 anos, e para os homes de entre 20 e 40 anos. Unha das medidas de cooperación cos centros escolares, será a través da programación de “recreos activos” e do obradoiro “entrénate”, orientado ao desenvolvemento da forma física previndo lesións. Continuarán tamén os servizos de asesoramento nutricional e os obradoiros “aprende a comer”. Todo o programa Cabanas-Zas por unha vida mellor completarase, finalmente, cunha Semana da Saúde e un Estudo científico sobre hábitos alimenticios, de práctica de actividade física e de consumo de tabaco na poboación destes concellos. Visita a vela E sen deixar Cabana de Bergantiños, esta mañá será o Delegado Territorial da Coruña, Diego Calvo, quen acuda á clausura da “Escola-Obradoiro de Vela da Costa da Morte”. Antes, as 13:30 h, ten previsto reunirse co alcalde de Cabana de Bergantiños, Germán Castrillón. Xuntos visitarán a obra “1º fase da Escola de Vela da Costa da Morte”. Nota de prensa do Sergas A DIRECTORA XERAL DE SAÚDE PÚBLICA E PLANIFICACIÓN PRESENTOU O PROXECTO DE CONCELLOS SAUDABLES DE CABANA E ZAS PARA O 2009 - Neste ano, o obxectivo do programa será incrementar a participación; tamén deseñar actividades específicas para os mozos entre 14 e 18 anos, e para os homes de entre 20 e 40 anos.
Cabana de Bergantiños, 11 de xuño de 2009.- A directora xeral de Saúde Pública e Planificación, Sagrario Pérez Castellanos, asistiu esta mañá á presentación do inicio do proxecto Cabanas-Zas por unha vida mellor, que inicia o seu segundo ano cos obxectivos de incrementar a participación dos veciños nas actividades programadas e superar os 2.500 participantes do 2008. Tamén se potenciarán as actuacións cos mozos e mozas de entre 14 a 18 anos, e cos homes entre 20 e 40 anos, deseñando actividades novas e específicas para estes colectivos, ademais de seguir ofertando actividades para todos. A agrupación de concellos Cabana de Bergantiños-Zas consolidará neste ano 2009 o proxecto de fomento de estilos de vida saudables na área de promoción da vida sen tabaco, alcohol e outras drogas. Así, continuarase coa vixilancia e rotulación de espazos sen fume en cumprimento da vixente lei de tabaco, e a potenciación dos programas de prevención en escolas e institutos en colaboración coa Asociación Antidroga Vieiro, dirixidos ao conxunto da comunidade educativa. Outra das actuacións destacadas será na área de promoción da actividade física regular e saudable, a través da mellora do servizo de asesoramento e prescrición de exercicio físico, coas variadas actividades do “Pack Saúde” para adultos e maiores, ou de programas de xestión persoal da forma física. Ademais, está previsto ofertas novas actividades específicas e atractivas para mozos e mozas de 14 a 18 anos a realizar nos pavillóns e ximnasios municipais de ambos concellos. Actos nos colexios e rutas para toda a familia A organización do proxecto Cabanas-Zas por unha vida mellor continuará coa cooperación cos centros escolares a través da programación de “recreos activos” e do obradoiro “entrénate”, orientado ao desenvolvemento da forma física previndo lesións. Así mesmo, continuará en marcha o programa de rutas saudables de dificultade media para familias e persoas de todas as idades, en colaboración cos departamentos de cultura dos concellos. Con respecto do fomento da alimentación equilibrada, continuarán os servizos de asesoramento nutricional e os obradoiros “aprende a comer”, ofertados a persoas con enfermidades crónicas como diabete, hipertensión ou obesidade. Tamén terán continuidade os obradoiros de cociña saudable ofertados a todos os veciños, e potenciarase o programa “boa hostalería”, en colaboración co sector hostaleiro de ámbolos dous concellos. Todo o programa Cabanas-Zas por unha vida mellor completarase, finalmente, cunha Semana da Saúde e un Estudo científico sobre hábitos alimenticios, de práctica de actividade física e de consumo de tabaco na poboación destes concellos. Novas relacionadas Fonte - Nota de prensa do Gabinete de Comunicación da Consellería de Sanidade.
|
Semente RSS