Este martes 16 de xuño inaugúrase no Pazo da Peregrina de Bertamiráns (Ames) unha exposición de máis de 200 pezas de Buño. A mostra, na que participan o Ecomuseo Forno do Forte xunto cos oleiros, pódese apreciar a variada producción oleira de Buño tanto na actualidade como no pasado.

Hai que lembrar que Buño, con 20 oleiros e oleiras en activo, é o centro oleiro máis importante de Galicia. Ademais, a Mostra está de noraboa xa que de novo, a Deputación comprometeuse a financia a XXVI Mostra de Olería, con 60.000 euros.

A súa variada producción vai dende as pezas tradicionais máis representativas do longa historia de Buño ata as pezas actuais onde o deseño e o aspecto decorativo están mais presentes, respondendo a demanda dun novo tipo de cliente. Cada oleiro ten o seu propio estilo, podéndose apreciar nos distintos apartados da exposición un deseño diferente e persoal.

Xunto coas pezas expostas polos oleiros hai case 20 recipientes procedentes do Ecomuseo Forno do Forte. Estas pezas forman parte das coleccións Histórica e Tradicional da olería de Buño. Hai pezas que van dende o s. XVIII ata principios do s. XX. Contrastan claramente coa producción actual xa que o vidrado con base de chundo da un acabado totalmente diferente aos bernices actuais.

A exposición será inaugurada polos alcaldes de Ames, Carlos Fernámdez Castro e Malpica de Bergantiños, José Ramón Varela Rey.

Novas relacionadas

• A Deputación financia a XXVI Mostra de Olería.
• Monte d’Arxa recuperará a figura do regueifeiro de Cerqueda Celestino Álvarez.
• Os mestres aprenden a profesión de oleiro.
• Os oleiros de Buño traballarán no Forno da loita.
• Os Oleiros de Buño gañan a Medalla de Ouro.
• Mostra 08: Unha semana enteira de barro en Buño.

Fonte

• Nota de prensa de Paco Doval, xerente do Ecomuseo Forno do Forte e organizador da exposición.