O pasado martes 16 de xuño de 2009, inaugurouse no Pazo da Peregrina de Bertamiráns a exposición "Olería de Buño". Ao acto asistiron unhas 100 persoas en representación dos oleiros/as de Buño e da sociedade amiense. Así mesmo, en representación de ambos os concellos estiveron presentes boa parte dos membros dos respectivos gobernos municipais encabezados polos seus alcaldes.

Na exposición, de máis de 200 pezas. Recóllese unha ampla mostra da actividade oleira de Buño con pezas que van desde o s. XVIII ata a actualidade.

A exposición consta de dous apartados ben diferenciados. Por unha banda recipientes procedentes do Ecomuseo Forno do Forte, que achega 20 vasixas dos s. XVIII, s. XIX e principios do s. XX, procedentes das coleccións Histórica e Tradicional que forman parte dos seus fondos. Estes recipientes mostran o pasado de Buño, con produtos claramente funcionais orientados á vida cotiá, vidriados con chumbo, produto hoxe totalmente ausente, e con motivos decorativos máis austeros que contrastan coa produción actual, onde se combinan pezas funcionais con obxectos decorativos.

Pódese apreciar o cambio nos gustos da sociedade. Das potas, pucheros ou cazuelas que xunto coas "cuncas" dominaban na produción anterior a 1950, pasamos a xogos de café ou licor, pratos decorativos, bandexas ou figuras de moi diferente tipo que dominan na produción actual. Os novos recipientes, sen abandonar a tradición oleira buñesa, mostran a renovación e creatividade dos oleiros/as de Buño. A olería, como actividade dinámica sempre en constante evolución, adáptase ás demandas da sociedade e os traballos expostos polos oleiros son un magnífico exemplo disto.

O acto foi inaugurado polos alcaldes de Ames, Carlos Fernández, e Malpica, José Ramón Varela (falando na imaxe de abaixo), que mostraron o seu agrado por poder facer realidade unha actividade fraguada no peche da XXV Mostra de Olería de Buño, onde Carlos Fernández presidiu o acto invitado polo rexedor de Malpica. Ambos fixeron fincapé na magnífica relación existente entre ambos os concello e na súa intención en seguir colaborando no futuro.

Novas relacionadas

• Ames expón o mellor da Olería de Buño.
• A Deputación financia a XXVI Mostra de Olería.
• Monte d’Arxa recuperará a figura do regueifeiro de Cerqueda Celestino Álvarez.
li>Os mestres aprenden a profesión de oleiro.
• Os oleiros de Buño traballarán no Forno da loita.
• Os Oleiros de Buño gañan a Medalla de Ouro.
• Mostra 08: Unha semana enteira de barro en Buño.

Fonte

• Nota de prensa de Paco Doval, xerente do Ecomuseo Forno do Forte e encargado da organización desta exposición.