Se dicimos que as rutas de sendeirismo están cobrando un protagonismo maior de cara a este verán é por algo. Será que pouco a pouco nos imos decatando das marabillas que temos diante? Será que nos decatamos de todo o que as podemos disfruta?

Aí está a concellaría de Benestar e Igualdade do concello de Cee para achegarnos ao patrmonio natural e organiza para os vindeiros meses de verán rutas de sendeirismo nas que poderán participar todas as persoas que o desexen.

A primeira destas rutas será ó Monte Pindo, o vindeiro domingo 21 de xuño. Precisamente a imaxe é do Monte Pindo, do cumio de Peñafiel.

Seguiralle á ruta a Verdes, no municipio de Coristanco, que se levará a cabo o 4 de xullo, e xa o 5 de setembro rematarase cunha camiñata polo Litoral de Camariñas.

Inscrición

As persoas que queiran participar farano de xeito totalmente gratuito e acompañados de monitores. Para iniciar cada unha destas rutas partirase desde a estación de autobuses da localidade. Poderán inscribirse en Servizos Sociais e no Centro Social do concello de Cee.

Novas relacionadas

• A Escola Municipal de Música de Cee celebra o seu festival de fin de curso.
• Vimianzo achega o patrimonio natural e cultural á veciñanza.
• De marcha cicloturista por Dumbría.
• Segunda rota de sendeirismo homologada en Laxe.
• Contando os días para o I Encontro Monte Pindo.

Fonte

• Nota de prensa da concellaría de Benestar e Igualdade do concello de Cee.