A ASOAR ARMEGA informa de que a Dirección Xeral de Ordenación e Xestión dos Recursos Mariños vén de prohibir a captura de xarda. A causa é que a cota designada a España para o ano 2009 de 29.549 toneladas, cota que xa foi esgotada.

Nota de prensa da Asoar-Armega

ASOAR-ARMEGA ten recibido comunicación con data 11 de xuño da Dirección Xeral de Ordenación e Xestión dos Recursos Mariños na que se informa da prohibición, dende a Secretaría Xeral do Mar, da captura de xarda (scomber scombrus) nas zonas CIEM VIIIc, IX, X e augas comunitarias do CPACO 34.1.1. Dita prohibición está baseada no artigo 21 do Regulamento (CEE) 2847/93, do Consello, de 12 de outubro de 1993 no que se establecen as cotas de capturas para distintas especies que se aplicarán aos distintos estados membros, sendo a cota designada a España para o ano 2009 na captura de xarda (scomber scombrus) de 29.549 toneladas, cota que xa foi esgotada.

Ante este comunicado, ASOAR-ARMEGA xa ten solicitado á Secretaría Xeral do Mar do Ministerio de Medioambiente Rural e Mariño, a Conselleira do Mar e a Dirección Xeral de Ordenación e Xestión dos Recursos Mariños diversas aclaracións ao respecto desta prohibición como si existen distribucións de cotas para captura de xarda (scomber scombrus) segundo as distintas comunidades autónomas e segundo os distintos subsectores de pesca (arrastre, cerco, artes menores), e de ser así como se teñen asignado. En breve solicitarase unha reunión urxente con estos organismos para aclarar todas as cuestións que conlevaron ao esgotamento de dita cota e buscar métodos de distribución axeitados para que esta situación non se volva a dar, así como realizar prediccións que poidan prever as diferentes situacións, defendendo sempre os intereses do sector pesqueiro da baixura que en moitas ocasións están a sufrir as consecuencias o non existir unha distribución de cotas por segmentos de flota que asignen cantidades explícitas a cada un deses segmentos.

Esta entidade quere poñer de manifesto a gran inquietude e malestar que existe neste sector a raíz desta prohibición, tendo en conta que se ven perxudicados por o esgotamento da cota por parte de outros sectores e outras comunidades autónomas, como xa ten pasado en outras ocasións, tendo que cargar co grave problema que esto supón para a flota de baixura que se dedica o enmalle ao ter que devolver ao mar a xarda (scomber scombrus) que queda mallada no aparello, coas conseguintes perdas económicas, máis se temos en conta a boa cotización que estaba alcanzando a especie nas últimas datas, agravando aínda máis a situación de crise que está a vivir este sector consecuencia do descenso de prezos e capturas dos últimos meses.

Quen mais van a sufrir estas consecuencias son as embarcación que se dedica ás Betas que xa tendo que descartar un 70% da pescadilla capturada para non incumprir co regulamento (CE) nº 850/98, atópase agora coa prohibición de capturar xarda, limitando considerablemente as capturas, poñendo en perigo a viabilidade económica destas embarcacións. Asemade haberá que ter en conta o desenvolvemento biolóxico da especie e as consecuencias que esto pode traer non só para a xarda senón para outras especies, podéndose ver afectado o ciclo biolóxico mariño.

Desde esta entidade queremos denunciar tamén a falta de previsión ante un inminente esgotamento da cota, e o precipitado da orden de prohibición, posto que se deu comunicado o mesmo día que se fixaba como data de comezo de prohibición, atopándose a flota xa faenando e véndose sorprendidos pola noticia e sen marxe de actuación. Asemade queremos insistir na necesidade de distribuír o TAC de cota asignado a España por Comunidades Autónomas e segmentos de flota, asignando topes anuais por embarcación, como xa se ten feito con outras especies, para que este problema non volva a surxir, e o sector de artes menores non teña que sufrir as consecuencias dos danos que outros producen e que prexudican a todos.

Novas relacionadas

• Mergulladores ou mariñeiros?.
• Polo abaratamento dos gastos do sector do mar en seguridade.
• Polo uso dos equipos de salvamento no mar.
• En marcha o proxecto "Pindo Mariño".
• Máis de 70 voluntarios participan nunha nova xornada de limpeza na ría de Camariñas.
• A Cooperativa do Longueirón non ficará en Corcubión.

Fonte

• Nota de prensa da Asoar-Armega.