Dúas novidades sobre a actualidade social do concello corcubionés. A primeira, moi positiva, xa que o Colexio de Quenxe non perderá efectivos. Tiveron que mobiliarse os pais e profesores do centro tralas malas novas que chegaban a semana pasada. Finalmente, e como fixeran para evitar a chegada da Gata de Cristal, os pais reuniron case que un millar de firmas para que non houbese recortes no centro. De feito, chegará ese profesor de Educación Primaria, que estaba previsto.

A boa nova será celebrada na festa de fin de curso, que será o venres de 16:00 a 19:00h. Actuará o grupo de pandereteiras Alén.  A festa servirá para despedir ao Director Franciso Rivero, tras moitos anos ó fronte do colexio, tanto no de agora como no Xosé Carrera antes de ser a Casa do Concello. Unha dedicación total a deste vigués nos últimos 20 anos para que o colexio corcubionés mantéñase en vida.

José Baliña

Hai novas tamén sobre a situación do aparellador de Corcubión. A xustiza dá a razón a José Baliña Romero, polo que poderá reincorporarse ao seu posto como aparellador municipal. A xustiza non infraccións graves na súa conduta, e tan só apunta faltas leves de ter traballado noutros concellos.

O concello pagará os meses que estivo parado o aparellador, que se ocupará de informar das obras menores. Con todo, o concello avisa que recurrirá esta sentencia.

Novas relacionadas

• Malas novas no Colexio de Quenxe de Corcubión.
• Mobilízase Corcubión contra a Gata de Cristal.
• "As linguas suman".
• Fixado o calendario escolar do curso 2009/2010.

Fonte

• La Voz de Galicia: El colegio de Corcubión se queda como está tras una recogida de más de mil firmas.
• La Voz de Galicia: El juez anula el expediente contra el arquitecto técnico de Corcubión.