|
Máis dun centenar de persoas manifestáronse no mediodía de onte, xoves 18 de xuño, diante das portas da Caixa Galicia de Lira. A intención da entidade de pechara sucursal provoca a perda dun novo servizo para os veciños de Lira, que terán que desprazarse ata Muros ou Carnota para realizar as súas xestións económicas. A situación agrávase dada as características demográficas do lugar, xa que a maioría dos veciños son persoas maiores que non poden conducir. Este feito sumado ao inexistente servizo de transportes provoca que para os veciños, a marcha da Caixa Galicia supoña un importante pao. Os veciños xuntaron máis de 1.000 firmas que presentaron ao director da oficina, moi respetado polos veciños. De igual xeito, a plataforma creada para a ocasión levará o escrito e as firmas ata a oficina central na Coruña, para protestar ante as altas instancias. 
Protestas dende BNG de Carnota O BNG carnotán foi o primeiro en manifestarse. Para a oposición, o alcalde debería meter man no asunto, máis se cabe cando falamos da segunda oficina que marcha do concello tralo peche da sucursal do Pindo hai 6 meses. O BNG vai máis alá ante a razón principal que sinala a Caixa, a falta de rendibilidade económica, e mira os estatutos da entidade galega. A Caixa Galicia defínese como unha "entidad ajena a fines de lucro, que orientará su actividad primordialmente al servicio de Galicia". " Entenderemos por servizo a Galiza e sen fins de lucro o feito de pechar unha sucursal no rural porque non é rendíbel economicamente?", pregúntase o BNG carnotán. Poden ler o comunicado do BNG íntegro na páxina web bng-carnota.org. 
Máis información Novas relacionadas Fonte - Redacción de QPC (
Este enderezo de correo-e está protexido contra spam bots, necesitas ter o Javascript activado para podelo ver
).
- Nota de prensa do BNG de Carnota.
- Fotografía de Marcos Rodríguez.
|
Semente RSS