O Departamento de Turismo do Concello de Ponteceso, continúa dando pasos para divulgar o Concello entre as xentes que desexan visitalo. Esta semana está prevista a organización de dúas visitas programadas. Unha coa Fundación Curros Enríquez e outra con vecinos do Concello coruñés de Cambre.

Aquí vemos a visita relizada por unha delegación da Fundación Curros Enríquez, formada por 35 persoas, que visitou as terras de Ponteceso o pasado mércores 17 de xuño. Foron guiados por diversos puntos de interese turístico como a Casa de Pondal, Fundación "Eduardo Pondal", Monte Branco, Pedra da Serpe en Corme, O Roncudo, etc, polo Técnico de Turismo do Concello de Ponteceso, Javier Couto.

Máis visitas

Non paran aí as visitas xa que este vindeiro sábado 20 de xuño serán 70 veciños de Cambre os que veñan a coñecer as maravillas do noso Concello. Serán guiados polo Técnico de tuirsmo do Concello polos seguintes lugares: Casa de Pondal, Malecón, Dunas da Barra, Monte Branco, Pedra da Serpe e O Roncudo.

Novas relacionadas

• Corme celebra o seu San Adrián.
• A AVV Eduardo Pondal de Corme organiza cursos de prevención de riscos laborais no mar<7a>.
• Dúbidas sobre o esgotamento da cota da xarda.

Fonte

• Concello de Ponteceso