|
O Partido Popular afirmaba onte, trala inauguración da piscifactoría de Pescanova en Mira, Portugal, a máis grande do mundo, que apoiará a instalación da granxa programada para o Cabo Touriñán. Así o fixo claro Rosa Quintana, conselleira do Mar, que considera que Galicia perdeu unha oportunidade cando o bipartito non anulou o proxecto e non o incluiu no Plan Sectorial por estar en Rede Natura. A conselleira afirmou que fará o necesario para que saia a adiante o proxecto de novo, malia que non estea incluido no Plan Acuícola. Manda así unha mensaxe de tranquilidade á empresa Pescanova. Para Rosa Quintana “é perfectamente compatible un proxecto destas características en Red Natura”. Gobernos municipais bipartitos O goberno da Xunta fai balance da situación de goberno biartito nos concellos do país: a conclusión é "desoladora" segundo o PP, e non cre que haia "indicios de mellora da súa nefasta xestión nos vindeiros 24 meses". Para o PP, a situación dos concellos con goberno bipartito manteñen un "rastro de desgoberno, parálise, desunión, enfrontamentos e malas noticias". Para o PP, o "O 1 de marzo foi unha moción de censura virtual ao modelo de xestión bipartito nos concellos", e insta aos gobernos bipartitos a romper as súas alianzas. Ademais, o PP afirma que as sete cidades galegas padecen unha dobre crise: "a económica e a política que xeran uns bipartitos que, aínda que condenados ao fracaso electoral, mentres resisten estanse a levar por diante as posibilidades de desenvolvemento dos cidadáns aos que goberna". Vídeo de Francisco Santiago López Novas relacionadas Fonte
|
Semente RSS