O grupo do BNG corcubionés pon 3 condicións apra aprobar os orzamentos deste 2009 e así aliviar a situación das arcas municipais. Logo dunha reunión entre o voceiro do Bloque, Oscar Insua, e o alcalde, Francisco Lema Chisco, na que se debatiron s orzamentos presentados hai un mes polo goberno, o BNG manifestou a intención de contribuír a desbloquear a delicada situación financeira, xa que o orzamento municipal está prorrogado dende 2007. Vemos na foto aos membros do BNG corcubionés nun pleno do ano pasado.

Iso si, pon tres condicións o BNG:

• construír un centro de día na vila; xa levara o BNG ao pleno a posible rehabilitación do anigo Asilo Emilio Alonso o pasado mes de xaneiro.
• a financiación total do comedor escolar no colexio Praia de Quenxe;
• e a rehabilitación do auditorio municipal “Capela do Pilar”.
  

O BNG afirma que colaborará para levar a cabo as tres medidas. Para o BNG, o centro de día trátase "dunha gran demanda dos maiores, que non queren marchar do concello nos últimos anos das súas vidas. Por outro lado queremos incentivar a matrícula no colexio de Corcubión para evitar máis problemas como os das últimas semanas por falla de alumnado, e por último queremos que a Capela do Pilar sexa un centro dinamizador no pobo, ao servizo das asociacións culturais e veciñais.”

Novas relacionadas

• A Furna de don Liborio.
• O asilo da discordia.
• O BNG de Corcubión presentará unha moción para recuperar o proxecto do helicóptero da Costa.
• O Colexio de Quenxe non sufrirá recortes.
• O BNG de Corcubión pide ao goberno non pechar un camiño de acceso á praia de Quenxe.

Fonte

• Nota de prensa do BNG de Corcubión.