A portavoz municipal do Partido Popular en Vimianzo, Carmen Borbujo instou ao goberno local a dar unha solución inmediata antes do inicio do próximo escolar, a un problema que veñen denunciando os veciños da parroquias de Carnés, e en especial os pais e nais de alumnos da escola unitaria.

Trátase dun pequeno valado, que consideran perigoso tanto o PP como moitos pais do centro educativo. "Pedimos ao goberno que se elimine esta situación de inseguridade antes do próximo curso", di a portavoz do PP.

Polo tanto solicitaron ao rexedor, Alejandro Rodríguez Lema a que tome as decisións oportunas para realizar un novo valado da zona, e deste xeito protexer á poboación infantil de posibles riscos e accidentes. Os populares esperan que se aproveiten estes meses de verán para executar a mellor.

Carmen Borbujo recorda que "unha das nosas prioridades é a poboación infantil, e no caso concreto de Carnés foi o PP, quen demandou os arranxos na escola, e pediu unha actuación na zona do parque infantil que levará a cabo".

Bus escolar

O PP de Vimianzo pide tamén ao executivo local que se facilite o acceso dos nenos e nenas das parroquias ás actividades municipais durante o verán. Aporta ideas, como por exemplo, a posta en marcha dun servizo de transporte, para que poida gozar de espazos como a piscina municipal, qu, como lembran dende o PP, grazas a unha das súas propostas, ten desde o ano pasado carácter gratuíto.

Novas relacionadas

• O PP afirma que porá a andar o Parador, a VAC e o Porto de Brens.
• O PP de Vimianzo celebra a súa histórica vitoria.
• Os peques tamén van ao Telecentro.
• O PP de Vimianzo prantexa varias actuacións na Piroga.

Fonte

• Nota de prensa do PP de Vimianzo.