Un par de autobuses repletos de veciños de Lira parou na mañá deste luns 22 de xuño de 2009 polo centro da Coruña. A sede central da Caixa Galicia en San Andrés era o destino do centenar de veciños que quería presentar a súa disconformidade polo peche da sucursal na vila carnotá.

Foron os portavoces dos veciños Pedro Balayo Caamaño e Antón Xoubanova Yermo, os que presentaron o escrito de protesta co milleiro de firmas colleitadas. E foi na reunión que mantiveron co director xeral adxunto da sede central. Os voceiros explicaron a situación demográfica da vila con maioría de pensionistas, que sumada á carencia total dun servizo de transporte público e ao peche hai 6 meses da sucursal do Pindo, fai moi complicado o cobro da pensión a boa parte da veciñanza de Lira.

Resposta en 48 horas

O vindeiro mércores os veciños de Lira obterán unha resposta por parte da dirección da Caixa Galicia, entidade que, lembramos, se define como "entidad ajena a fines de lucro, que orientará su actividad primordialmente al servicio de Galicia". Os voceiros manifestaron que está aberta a posibilidade do diálogo.

De tódolos xeitos, a situación non cambia. Para Xoubanova, a decisión é precipitada e non entende como se tomou "en menos dunha semana, sen pensar nas consecuencias". Para Xoubanova, "a obra social" deberia ser o punto que diferencia á Caixa do resto de bancos que operan no país.

Con todo, os veciños quixeron lembrar o seu agradecemento ao director da sucursal de Lira, Faustino J. Rivadulla Carracedo, máis coñecido como Tino, moi querido e respectado polos veciños.

Alí estaban os representantes do BNG carnotán apoiando amanifestación veciñal. O grupo opositor instou ao concello a tomar parte no poblema, pero polo de pronto non se anifestou.

Máis información

• Grupo de Facebook: Non ó peche da Caixa Galicia de Lira.
• Colleita de firmas on-line.

Novas relacionadas

• Os veciños de Lira levan ata a Coruña a loita por manter a sucursal da Caixa Galicia.
• Os veciños de Lira manifestáronse na Caixa Galicia.
• Os veciños mobilízanse polo peche da Caixa Galicia de Lira.
• A doble cara da ruta da subida á Moa dende O Fieiro.
• A delicada situación dos traballadores de Conservas Carnota.
• Difícil viaxe de volta en autobús.
• O proxecto Mardelira é destacado polo Centro de Documentación Ambiental Domingo Quiroga.
• Xa están publicadas as primeiras receitas ao concurso de Mardelira.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).

Fonte

• Blog do BNG de Carnota.