Esta pasada fin de semana o Grupo de Teatro de Cee, de adultos, presentaba a súa última obra ante o seu público. A obra Criaturas, de Vidal Bolaño e dirixida por Artur Trillo, responsable da Escola de Teatro de Cee, e doutras da bisbarra, narra pequenas historia enlazadas por un triste Frankenstein interpretado por Rubén Prieto Tomé.

O Frankenstein de Cee tivo un problema: algunha desalmada arrincoule o corazón. Esa desalmada era a súa amada, co que deixou ao pobre monstruo tan triste e humano como calquera persoa na vida cotiá... A medida que avanza a obra, o monstruo vaise atopando con distintas situacións, personaxes, que nos resultan moi coñecidos e realmente son máis monstruosos que o mesmo Frankenstein.

Tamén estiveron enriba do escenario Belén Lado Outes, José Luis Louzán (si, si, o home das verdades como puños), Xosé Lois López, Aancia Trillo, Alfonso Insua Gómez, Martín Dono, Isabel Tomé, Mari Carmen Fiuza Castiñeira, Tito Rodríguez, González, J. Tomás Arias, Ana Facal, Tomás L. Freire, Fina Vietes Pereira, Lola Lema e Patricia Porteiro.

E esta semana máis. O mércores tócalle ao resto de grupos da prolífica Escola de Teatro ceense.

Talía Teatro presenta en Compostela

Palabras encadeadas, a última obra de Talía Teatro, que fóra estreada en Cee o mes pasado, será presentada mañá en Compostela. O espectáculo representarase o Xoves 25 e Venres 26 de xuño ás 21.00 h. no Teatro Principal.

Novas relacionadas

• éxiTO TOTAL TALía .
• As verdades como puños de José Luis Louzán: Infamia.
• E San Adrián bailou en Toba.
• Entregados os premios do Certame de Microrrelatos do IES Fernando Blanco.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).
• Fotografía de Marcos Rodríguez.