Hoxe, martes 23 de xuño de 2009, dan comezo as IV Xornadas de Pesca, que artella a Confraría de Pescadores do Pindo. As xornadas continuarán ata o domingo tentando acadar un maior recoñecimento e dignificación da profesión de mariñeiro, ao tempo que promociona as marabillas turísticas da zona. Todo coa intención de "Recuperar a tradición e cultura mariñeira".

O título deste ano é "A Vida en torno ao mar", seguindo coa temática xa desenvolta o ano pasado, cando o título das xornadas foi "O mar, o noso patrimonio".

Hoxe, martes, as xornadas comezan con actividades para nenos. Hoxe toca Pesca a pé, e mañá roteiro pola ruta do Fornelo. O xoves, toca curso de vela, o venres taller cos mariñeiros, e pola tarde xa comezarán o que son as sesións de charlas e conferencias.

Novas relacionadas

• Programa das IV Xornadas de Pesca.
• Resumo das III Xornadas de Pesca: "O mar, o noso patrimonio".
• A doble cara da ruta da subida á Moa dende O Fieiro.
• Os veciños de Lira levan ata a Coruña a loita por manter a sucursal da Caixa Galicia.
• A Confraría do Pindo artella as IV Xornadas de Pesca.
• Contando os días para o I Encontro Monte Pindo.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).