Varios son os concellos da provincia que son apoiados pola Deputación da Coruña, que destina máis de medio millón de euros para dinamizar e modernizar o comercio local de Arzúa, A Pobra do Caramiñal, Muros, Boiro, Sada, Culleredo e Zas. Así o asinou o alcalde zaense Lolo Muíño, que vemos á esquerda na foto de arriba.

Para o concello de Zas, a institución provincial destinará 57.165,17 euros para financiar o proxecto de urbanización e modernización das rúas comerciais de Baio.

As achegas económicas da Deputación da Coruña teñen como obxectivo o desenvolvemento, adecuación e modernización dos equipamentos comerciais destes sete concellos e contribuir á vertebración do comercio galego, segundo sinalou o presidente da institución provincial coruñesa, Salvador Fernández Moreda.

Moreda agardan que as axudas “sirvan para estimular e dinamizar o comercio local nestes concellos e contribúan a paliar a crise que atravesa o sector”, e afirmou tamén que dos mesmos “beneficiaranse non só os comerciantes, senón todos os veciños” das localidades sinaladas, xa que en moitos casos trátase de obras moi necesarias e demandadas polos veciños.

Fernández Moreda destacou a “exemplar cooperación” entre a administración autonómica e a Deputación da Coruña para o desenvolvemento destas obras, incluidas nos proxectos MERCA e URBANCOMER, nos concellos da provincia coruñesa.

Novas relacionadas

• Lolo Muíño é o novo responsable comarcal do BNG.
• Os veciños de Baio estrean unha nova web informativa.
• O IES de Baio volve gañar o Concurso Benéfico de Murais de Azulexo de Lar.

Fonte

• Gabinete de Prensa da Deputación da Coruña.