As Xornadas de dinamización do Patrimonio Cultural 2009 de Vimianzo comezan este mércores 24 de xuño de 2009. E que mellor xeito que cheirando a comida, e a comida tradicional. Así, a primeira sesión inclú unha Charla sobre Gastronomía Histórica.

A organización do concello aproveita ademais o interese pola gastronomía histórica demostrada polo sector a través da iniciativa dos "Pinchos Irmandiños". Deste xeito, a charla pode servir aos hostaleiros a ter novas ideas para o concurso dete ano,que está pensado para a fin de semana do Asalto ao Castelo, que coñeceremos estes días en QPC.

O profesional que impartirá a charla será Jorge Guitián, webmaster do coñecido blog culinario gourmetymerlin.blogspot.com. O título da mesma será "Cultura, territorio e actualidade na cociña: deseñar unha proposta gastronómica atractiva en tempos de crise".

Afondando na persoa de Jorge, podemos dicir que se trata dun experto gastrónomo galego, gañador de prestigiosos premios coma o nacional de Xornalismo Gastronómico Álvaro Cuqueiro (2008) ou o Navarra Gourmet (2009) ó mellor blog gastronómico.

A charla será pois o mércores, 24 de xuño, ás 17:00h no Telecentro (ó lado da Igrexa de Vimianzo) e as persoas que desexen inscribirse deberán contactar co Servizo de Emprego e Desenvolvemento Local, falando con Rosa ou Lorena.

Máis información

• Programa das Xornadas de Dinamización do Patrimonio Cultural 09..

Fonte

• Nota de prensa do Concello de Vimianzo, da man de Rosa Sánchez.