Así resumíu Antonio Xoubanova o parecer da Caixa Galicia ante a protesta dos veciños de Lira polo peche da sucursal: "beneficion cero, obra social cero". Así o explicaba logo da reunión mantida na mañá do mércores 24 de xuño de 2009, entre 3 representantes dos veciños e o Delegado de zona de Caixa Galicia, Xoan Carneiro. Con Antonio falabamos e as novidades non son moi alentadoras.

Á porta, uns 60 ou 70 veciños volvían mostrar a súa disconformidade coa decisión da entidade bancaria, nunha desmostración de que a veciñanza da Costa da Morte está moi viva, e que cando mexan por nós, xa non dicimos que chove.

Poucas esperanzas

Antonio Xoubanova, Pedro Valayo e unha pensionista do lugar participaron na reunión, na que os directivos da Caixa non deron a última palabra. Quedan pendentes os veciños da última palabra, pois falta o informe final do xefe de zona, e trasmitir esa decisión aos veciños antes da fin de semana, xa que o venres é cando a entidade ten previsto o peche. "Hai esperanzas de que se faga algo, pero a verdade, moi pouca perspectiva de cambie a decisión", asume Antonio.

Obra social?

Os 3 representantes veciñais fixeron fincapé, sobre todo, no que diferencia á Caixa do resto de bancos: a obra social. A resposta, xa a limos no titular. Os directivos argumentaron que a sucursal de Carnota triplica en volume de negocio á de Lira, razón polo que se tomaba a decisión. Quédalle a dúbida da Antonio, de ver, se as cousas se fixeran con máis tempo, que se todos os veciños de Lira con cartos na oficina de Carnota, a trouxesen á de Lira, "cal habería que pechar?"

Antonio toma tamén outros pensando en como facer recapacitar ao banco. Antonio mesmo anima aos veciños de Lira e Lariño a quitar os cartos da Caixa Galicia e metelos noutra entidade, a ver se así, a Caixa reacciona.

Ademais, Antonio fala da posible saturación que vivirá agora a oficina de Carnota, e lembra a perda de beneficios para a zona, onde conta coa confraría, probablemente máis activa da bisbarra, cunha piscifactoría referente, e cunha morea de comecios. "Non é o mesmo pechar 10 minutos o negocio para ir ao banco, que unha hora", razona Antonio.

A política representada e pleno extraordinario

Desta volta estiveron todos os partidos políticos representados. Estivo de novo o BNG, con Euloxio Franco e Tomás Freire. Tamén estivo un representante do PSOE, Juan Saborido, e esta vez acodiron dous representantes do Partido Popular, Chus González Senande e Peregrino E. Cambeiro Pérez, 3º e 4º tenientes de alcalde.

E a problemática chegará o pleno o vindeiro luns 29 de xuño de 2009. Un pleno extraordinario. ás 20:00h no que se debatirá sobre o peche da sucursal, e ao que están invitados todos os veciños para manifestar con rotundidade o seu malestar pola marcha dun novo servizo.

Gran mobilización veciñal

Antonio Xoubanova quixo agradecer enormemente o comportamento da veciñanza, un feito que dá esperanzas de que cando se necesite a loita veciñal, Lira estará a pé de guerra.

A loita veciñal continúa. Se o pasado luns un centenar de persoas se manifestaron pacificamente ás portas da sede central da entidade na Coruña, esta semana a oficina de Lira será un continuo fervedoiro.

Novas relacionadas

• A Caixa Galicia responderá aos veciños de Lira o mércores trala protesta na Coruña.
• Os veciños de Lira levan ata a Coruña a loita por manter a sucursal da Caixa Galicia.
• Os veciños de Lira manifestáronse na Caixa Galicia.
• Os veciños mobilízanse polo peche da Caixa Galicia de Lira.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).