Semella que as accións contra o furtivismo da Consellería do Mar dan os primeiro froitos. Ao longo da pasada xornada o Servizo de Gardacostas desenvolveron un opretavio en varias zonas do país, entre as que se atopa, como non, a Costa da Morte. Outras decomisións sucederon na Coruña, na zona do Portiño, de onde vemos estes percebes.

Así no operativo desenvolvido na Costa da Morte, os axentes incautaron na zona da Punta do Cabalo (entre Corme e Laxe) 6 pezas de trasmallos, 6 pezas de betas, 22 nasas de nécora, lumbrigante, santiaguiños e nécoras. Tódalas artes estaban sen identificar. Os axentes devolveron ao mar as capturas de peixe.

En Fisterra

No Seno de Corcubión e Fisterra o Servicio de Gardacostas de Muxía-Portosín xunto co Servicio de Protección da Natureza (SEPRONA) de Corcubión decomisou 67 quilos de ameixa rubia por exceso de cupo dunha embarcación con base no porto de Fisterra e 61 quilos de vieira (429 unidades).

Adoptouse a medida cautelar de paralizar a embarcación e incautar tres endeños así como dous barreñóns e tres salabardos, suspendéndolle temporalmente a actividade ata que se adopten as medidas unha vez que se inicie o procedemento sancionador.

Novas relacionadas

• Mar comeza a persecución aos furtivos na Costa da Morte.
• A Conselleira do Mar promete en Corme loitar contra o furtivismo.
• O PPdeG fai balance dos gobernos municipais bipartitos e aposta pola macropiscifactoría de Touriñán.

Fonte

• Nota de prensa da Consellería do Mar.