A Consellería do Mar mantén os mesmos topes de captura do polbo que as da anterior tempada. Así, dende o vindeiro 6 de xullo, día que se abre a veda, ata o 31 de agosto, o tope máximo será de 40 quilos por embarcación e día, e 40 mais por cada tripulante debidamente enrolado e a bordo.

Mentres, entre o 1 de setembro e o 31 de decembro, o tope máximo da captura será semanal, establecéndose 200 quilos por embarcación e 200 quilos máis por mariñeiro debidamente enrolado e a bordo. O peso mínimo de captura do polbo segue a ser de 1 quilo. Igualmente, o horario no que os pescadores poderán capturar polbo quedou marcado entre as 06:00 horas e as 18:00 de luns a venres.

Nota de prensa de Mar

MAR ABRE A VEDA DO POLBO O 6 DE XULLO E MANTÉN EN 40 QUILOS OS TOPES DIARIOS DE CAPTURA

• O tamaño mínimo de captura segue a ser de 1 quilo.
• Os pescadores poderán capturar esta especie entre as 6:00 e as 18:00 horas.
• Os gardacostas comisaron 158 quilos e 618 nasas e cacharros no período de veda.

Santiago, 25 de xuño de 2009.- A Consellería do Mar mantén os mesmos topes de captura do polbo que as da anterior tempada. Así, dende o vindeiro 6 de xullo, día que se abre a veda, ata o 31 de agosto, o tope máximo será de 40 quilos por embarcación e día, e 40 mais por cada tripulante debidamente enrolado e a bordo. Mentres, entre o 1 de setembro e o 31 de decembro, o tope máximo da captura será semanal, establecéndose 200 quilos por embarcación e 200 quilos mais por mariñeiro debidamente enrolado e a bordo. O peso mínimo de captura do polbo segue a ser de 1 quilo.

Igualmente, o horario no que os pescadores poderán capturar polbo quedou marcado entre as 06:00 horas e as 18:00 de luns a venres, entendéndose este horario dende o primeiro calamento ata a finalización da última nasa virada. Só nos plans zonais da Costa Cantábrica e a Noroeste estará permitido deixar as nasas caladas no fin de semana. na zona das Rías baixas os aparellos deberán regresar a terra todos os días.

Esta medida enmárcase no Plan Zonal Experimental de captura de polbo (octopus vulgaris) no marco do plan de recuperación, acordada nunha reunión co propio sector. Ó encontro asistiron o director xeral de Ordenación e Xestión dos Recursos Mariños, Pablo Fernández Asensio, os presidentes das Federacións Provinciais das Confrarías de Lugo, Pontevedra e A Coruña, o presidente da Federación Galega de Confrarías, Benito González; os presidentes de “Cíes artesanais”, “Mar do Morrazo”, ARCOPEBA e dous representantes de ASOAR-ARMEGA.

O plan estará vixente ata o 31 de decembro de 2009, e recolle tanto as medidas de xestión da pesca como as específicas de control e seguimento, para comprobar a súa adecuada execución.

Inspeccións no período de veda

Dende que comezou o período de veda do polbo, o pasado 8 de maio e ata o día 23 de xuño, o Servicio de Gardacostas da Xunta de Galicia realizou 575 inspeccións, das que 18 son presuntas infraccións. O axentes comisaron 158,40 quilos e incautaron 618 aparellos ilegais, entre nasas e cacharros.

Novas relacionadas

• Novo golpe contra o furtivismo da Costa.
• Mar comeza a persecución aos furtivos na Costa da Morte.
• A Conselleira do Mar promete en Corme loitar contra o furtivismo.
• O PPdeG fai balance dos gobernos municipais bipartitos e aposta pola macropiscifactoría de Touriñán.

Fonte

• Nota de prensa da Consellería do Mar.