|
Mentres a variante da Cee-Sardiñeiro avanza considerablemente, o tramo entre Berdoias e Cee leva un ano e medio paralizada pero se retomará de contado tralo anuncio da Consellería de Medio Ambiente, Territorio e Infraestruturas. O conselleiro Agustín Hernández vén de ordenar a finalización da redacción do estudo informativo e impacto ambiental da vía de alta capacidade Berdoias-Cee. O estudio debe estar rematado antes de que finalice o 2009, para sometelo a información pública. O obxectivo da Xunta é que antes de que remate o primeiro semestre de 2010 a VAC Berdoias-Cee dispoña de declaración de impacto ambiental e de estudo informativo aprobado. Ademais, a decisión do responsable de infraestruturas da Xunta de Galicia introduce no estudo informativo a variante de Berdoias, que o Goberno anterior non tiña incluída. O conselleiro, no seu afán de coidar ao sector empresarial, envía unha carta aos empresarios da comarca, que se pode ler íntegra máis abaixo. A loita pola peaxe continúa na rede Entrementres, a loita por liberar da peaxe da autopista Coruña-Carballo continúa na rede. A través do Grupo creado en Facebook Plataforma para liberar a peaxe Autopista A Coruña-Carballo, centos de veciños piden a anulación da peaxe. Xa son 2.756 membros os membros do grupo. Este mapa mostra a complexidade do trazado, cunhas curvas máis propias dun circuito de formula 1 que dunha autopista. 
Datos técnicos da VAC
Berdoias-Cee A lonxitude do treito Berdoias-Cee ten unha lonxitude de 10,5 quilómetros e suporá un investimento de 34 millóns de euros. A actuación contémplase como unha vía de alta capacidade con velocidade de proxecto de 100 quilómetros/hora. Esta nova vía da continuidade a autovía Carballo – Berdoias, actualmente pendente de inicio de obras, e finaliza en Cee no comezo da VAC Cee – Sardiñeiro, actualmente en execución. Variante de Berdoias Esta actuación vai a ser complementada coa variante de Berdoias, que supón introducir na planificación da Xunta a nova VAC Santiago– Costa da Morte, mediante a definición do punto de conexión desta futura vía coa VAC Carballo-Fisterra. A variante de Berdoias terá unha lonxitude de 6 quilómetros e un custe total planificado de 14 millóns de euros. Ao igual que o treito Berdoias-Cee, se concibe como vía de alta capacidade con velocidade de proxecto de 100 quilómetros/hora. Carta aos empresarios da Costa da Morte Por outra banda, o conselleiro de Medio Ambiente remitiu esta semana cartas ao presidente da Asociación de Empresarios Comarca de Soneira, Manuel Mourelle, e ao presidente da Asociación Xóvenes Empresarios de Bergantiños, José Figueras, para expresarlles que “o Goberno de Galicia está plenamente persuadido de que a vía de altas prestacións entre Carballo e Fisterra constitúe o elemento imprescindible para garantir o futuro e a competitividade dunha das comarcas que necesita un impulso mais claro no referente ás infraestruturas”. Agustín Hernández lembra que no 2005 o Goberno saínte da Xunta de Galicia deixou o expediente correspondente ao corredor Carballo-Baio (1ª fase dunha autovía) unicamente pendente da aprobación do gasto e da súa posterior licitación, incluíndo a súa prolongación como vía de alta capacidade ata Berdoias. Nese ano, o novo Goberno da Xunta decidiu reformar o deseño “cun afán revisionista que o paso do tempo demostrou que foi un tremendo erro”. Esta decisión orixinou que a licitación do vial se demorara ata o 2007, “todo isto a pesares de que non foi necesaria a tramitación dun novo expediente de impacto ambiental,o que acredita que as modificacións plantexadas en 2005 non tiñan un carácter substancial”. O proceso de adxudicación realizouse nos primeiros meses de 2008, en plena crise económica. A empresa adxudicataria informou á Xunta entón gobernada polo bipartito que non podía iniciar a execución da autovía por problemas financeiros, a pesares do que o Goberno decidiu colocar a primeira pedra desta actuación. Agustín Hernández manifesta aos empresarios “a vontade inequívoca da actual administración” de impulsar, executar e poñer en servizo a nova autovía no prazo mais breve posible, instando ao adxudicatario a comezar os traballos sen maior dilación. No caso de que o adxudicatario persista na súa negativa, “articularemos as medidas administrativas e legais para resolver o contrato e, no prazo mais breve posible, posibilitar o inicio efectivo das obras”. O conselleiro remata a misiva afirmando que “para a miña consellería, e tamén para o actual Goberno da Xunta, é un obxectivo irrenunciable a inmediata construción da VAC Carballo-Fisterra no prazo mais breve posible”. Novas relacionadas Fonte - Nota de prensa do Gabinete de comunicación da Consellería de Medio Ambiente, Territorio e Infraestruturas.
|
Semente RSS