|
Como era de esperar, a última palabra da Caixa Galicia é "peche". Esta mañá de luns 28 de xuño de 2009, a sucursal da Caixa Galicia de Lira amencía pechada, para o lamento dos veciños de Lira e Lariño, que a partir de agora terán que desprazarse, como poidan, ata Carnota para facer as súas tramitacións bancarias ou para cobrar a pensión. A porta pechada demostra o interés da Caixa Galicia pola situación demográfica do país. Ante a falta de produtividade económica (o cobro das pensións de seguro que non son as transaccións máis rendibles) provoca que a Caixe peche a segunda sucursal no concello carnotán nos últimos 6 meses, logo da do Pindo. "Beneficio cero, obra social cero", así definía Antonio Xoubanova, voceiro da plataforma veciñal, a política da entidade. Baixa común A loita non para, e moitos veciños solicitan unha e derradeira actuación en contra da Caixa, como o único castigo que os veciños poden causar á entidade, que se define sen ánmo de lucro. Así, dende o Grupo de Facebook de protesta polo cese de actividade da oficina de Caixa Galicia de Lira solicitan dar de baixa (sempre especificando como motivo da baixa o peche da sucursal de Lira) tódalas contas que os veciños da zona teñen na Caixa Galicia. Mesmo aportan información dun listado das entidades bancarias de Carnota e Muros para facilitar o proceso. Apoia esta retirada veciñal dos fondos da entidade o BNG de Carnota, e agardan debatir no pleno a situación. ao tempo que pide unióntotal das 3 forzas políticas para buscar unha solución á veciñanza. Cabe lembrar que o inexistente servizo de transporte intracomarcal fai imposibles os desprazamentos dos veciños ás vilas veciñas para unha simple transacción ou o cobro da pensión. Con todo, e malia que a Caixa Galicia peche, non foron en van os esforzos dos veciños, que volven demostrar que a Costa da Morte está moi viva. Novas relacionadas Fonte e máis información
|
Semente RSS