A semana pasada anunciabamos as axudas que aporta a Deputación para a mellora dos entornos urbanos e a promoción das áreas comerciais, que este ano só cubren ao concello de Zas entre os concellos da Costa. A primeira reacción chega dende Ponteceso, dende onde a Agrupación socialista non entende por que o concello pontecesán quedou fóra das subvencións.

Para o PSOE, esta era unha moi boa oportunidade de dinamizar o comercio pontecesán, e renovar o estado de varias rúas da capital municipal. Chega a comparar as rúas pontecesán cunha vila do Far West americano.

O PSOE pon exemplos, como os camións de reparto que atascan a rúa Eduardo Pondal; os aparcadoiros interiores do centro que están sen asfaltar, as estreitas beirarrúas da Eduardo Pondal cheas de pozas de auga; as rúas previstas no Plan Xeral sen executar; e ata un pantano no centro de Ponteceso, "unha verdadeira vergoña para os nosos visitantes", para a oposición.

O Psdeg-Psoe ten prantexado unhas actuacións prioritarias para o devir de Ponteceso: un Proxecto de Cidade.

Novas relacionadas

• Baio renovará as rúas comerciais coas axudas da Deputación.
• O PSdeG de Ponteceso denuncia o abandono da parroquia de Cores e A Campara
• O PSOE de Ponteceso pregúntase por que só unha das súas praias ten Bandeira Azul.
• O PSOE de Ponteceso aposta polas Enerxías Renovables.
• O PSOE de Ponteceso pregunta por un Obradoiro de Emprego e polo Tesouro Natural.

Fonte

• Nota de prensa do O Grupo Municipal do Psdeg-Psoe en Ponteceso.