A Deputación da Coruña vén de asinar unhas axudas de ata 86.000 euros para a organización da XVI Mostra de "Artesanía en Vivo", que acolle este ano dez oficios artesáns no Castelo de Vimianzo. Dez artesáns que están todo o ano no Castelo de Vimianzo, mantendo vivos dez oficios en perigo de extinción. A Mostra está aberta, como xa é tradicional, de forma ininterrompidamente durante os meses de xullo, agosto e setiembre no Castelo de Vimianzo e as fins de semana e festivos durante todo o ano ata xullo de 2010, organizada pola Deputación da Coruña, en colaboración co concello.

Os artesáns presentes na XVI "Mostra de Artesanía en Vivo", os verdadeiros protagonistas, formalizaron onte co presidente provincial, Salvador Fernández Moreda, o contrato para o desenvolvemento das súas actividades.

Oficios e artesáns

As artesanías presentes son: encaixe, artesanía do liño, cestería, sombrerería, olería de Buño, platería, maquetería de barcos, cantería, zoquería e artesanía en pel. Os artesáns que estarán presentes na mostra son os seguintes:

• José Rodríguez Mouzo: Canteiro (Vimianzo).
• Esther Ferreiro Romar: Platería (Santiago).
• Manuel Pérez Martínez: Zoquería (Vimianzo).
• Jesús Antelo Gómez: Cestería
• Fernando Cambón Cambre: Olería (Buño).
• Fermín Barcia Gerpe: Maquetería de barcos (Camariñas).
• María da Cruz Isabel Torre Quintáns: Sombrerería (Mazaricos).
• Asociación Amigos do Liño da provincia da Coruña: Liño (Carreira-Zas);
• Asociación de Palilleiras "Nosa Señora dá Barca de Muxía": Encaixe (Muxía)-
• Asociación de Palilleiras "As Nemanquiñas": Encaixe (Vimianzo)
• Asociación de Palilleiras de Camariñas (Rendas): Encaixe (Camariñas).
• ASPADEX: Artesanía da pel (Cee).

Salvador Fernández Moreda destacou no acto da firma o compromiso da Deputación da Coruña coa Costa da Morte, e coa promoción do turismo nesa zona. Ademais eloxiou as distintas manifestacións artesás da Costa da Morte, que teñen un "gran escaparate" no Castelo de Vimianzo, segundo o apuntado polo presidente provincial. Aquí vemos a Fermín, o maquetista de Camariñas.

Horario

• De outubro a maio (excepto Semana Santa): 10:30 a 14:00 e de 16:00 a 18:30;
• Semana Santa e xullo, agosto e setembro: 10:30 a 14:00 e de 16:00 a 20:30.
• Pechado os luns.

Novas relacionadas

• Programa do XIV Asalto ao Castelo.
• A cociña de Vimianzo bota unha ollada á historia.
• Pola apertura ao público dos Bens de Interese Cultural.
• O Castelo de Vimianzo recibiu arredor de 5.000 visiitantes en Semana Santa.

Fonte

• Gabinete de Prensa da Deputación da Coruña.
• A primeira fotografía é de Fran Torrecilla.
• A segunda fotografía de Marcos Rodríguez.